ერმილე ჩიმაკაძე (მღვდელი)

დაბადების ადგილი: სოფელი მათხოჯი, ხონის რაიონი.

მამა ერმილე ჩიმაკაძე მღვდლის ოჯახში დაიბადა. საქართველოში მიღებული განათლების მერე სწავლა საბერძნეთში, სასულიერო სემინარიაში გააგრძელა. 1900-იანი წლების დასაწყისში მღვდლად აკურთხეს, მსახურობდა აფხაზეთში. 1918 წელს კი სამეგრელოში მოღვაწეობდა. საქართველოს გასაბჭოების შემდეგ დაიწყო ეკლესია-მონასტრებისა და სასულიერო პირთა დევნა. მამა ერმილეც რამდენჯერმე დაიბარეს და მოსთხოვეს, მღვდლობისთვის თავი დაენებებინა რაზეც მან სასტიკი უარი განაცხადა. კომუნისტებმა ეკლესია და მამა ერმილეს სახლი რამდენჯერმე სასტიკად დაარბიეს. ერთ-ერთი დარბევისას მათ დაწვეს მამა ერმილეს კუთვნილი უნიკალური წიგნები და ხატები, რამლებიც მან საბერძნეთიდან ჩამოიტანა. დაუწვეს სახლი, საიდანაც ძლივს მოასწრო ცოლ-შვილის გამოყვანა. ბოლო დროს სულ უფრო და უფრო ხშირად იბარებდნენ და მოკვლით ემუქრებოდნენ. გარდაიცვალა წამების დროს.

წყარო: გული ქრისტესთვის განმზადებული / შემდგ.-გამომც. დეკანოზი კონსტანტინე პაიჭაძე. თბ., 2007; მართლმადიდებლური ჟურნალი "კარიბჭე": karibche.ambebi.ge