ზურაბ ლიპარტია

დაბადების ადგილი: სოფელი რუხი, ახლანდელი ზუგდიდის მუნიციპალიტეტი.

დაამთავრა ლენინგრადის (ამჟამად სანქტ-პეტერბურგი) სატყეო-ტექნიკური აკადემიის საინჟინრო-ეკონომიკური ფაკულტეტი 1972 წელს.

1973–1987წწ. მუშაობდა საქართველოს "ენგურჰესმშენის" სამრეწველო-საწარმოთა გაერთიანების გენერალური დირექტორის მოადგილედ; 1987–2007წწ. აფხაზეთის მ. გორკის სახელობის სახელმწიფო უნივერსიტეტში (ამჟამად – სოხუმის სახელმწიფო უნივერსიტეტი) ეკონომიკისა და ბიზნესის ფაკულტეტზე; 2000–2006წწ. ეწეოდა სამეცნიერო-პედაგოგიურ მოღვაწეობას საქართველოს საბაჟო აკადემიაში; 2007–2013წწ. ახალციხის სახელმწიფო ინსტიტუტში ( ამჟამად – სამცხე-ჯავახეთის სახელმწიფო უნივერსიტეტი). 2002–2007წწ. იყო აფხაზეთის მეცნიერებათა აკადემიასთან არსებული სასწავლო-სამეცნიერო დაწესებულება შპს "აესას" რექტორი. 2009 წლიდან საქართველოს ტექნიკური უნივერსოტეტის სრული პროფესორია. ავტორია სამეცნიერო ნაშრომების, მ. შ. მონოგრაფიებისა და სახელმძღვანელოების. მისი სამეცნიერო ნაშრომები ეხება საქართველოს რეგიონების სოციალურ-ეკონომიკური განვითარების პრიორიტეტების, აღრიცხვისა და აუდიტის საერთაშორისო სტანდარტებთან ჰარმონიზაციის პრობლემების კვლევას. ეკონომიკურ მეცნიერებათა დოქტორი (2000), პროფესორი (2000).  ინჟინერ-ეკონომისტი.

წყარო: საქართველოს მეცნიერებათა ეროვნული აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; პროფესორი ზურაბ ლიპარტია 70 წლისაა // ბიზნესი და კანონმდებლობა.-თბ.,2017.-N4.-გვ.10-12; საქართველო: ენციკლოპედია: ტ.5. -თბ.,2023. -გვ.378-379

• აფხაზეთის მეცნიერებათა ეროვნული აკადემია, წევრი (2001-)

• 2013 - ღირსების ორდენი

• სტრატეგიული მენეჯმენტი : სახელმძღვანელო (ავტორი). - თბილისი, 2022. - 504გვ.. - ISBN: 9789941834059
• ბიზნესის ანალიზი - შეფასება და განვითარების პროგნოზირება : სახელმძღვანელო (ავტორი). - თბილისი, მერიდიანი, 2020. - 620გვ.. - ISBN: 9789941258107
• ფინანსური მენეჯმენტის ფილოსოფია : მონოგრაფია (ავტორი). - თბილისი, უნივერსალი, 2017. - 506გვ.. - ISBN: 9789941261800
• ბუღალტრული აღრიცხვისა და ფინანსური აუდიტის ადმინისტრირება საქართველოში : მონოგრაფია (ავტორი). - თბილისი, ტექნ. უნ-ტი, 2017. - 406გვ.. - ISBN: 9789941208898
• კორპორაციული ფინანსები : პრაქტიკა (თანაავტორი). - ახალციხე, 2014. - 82გვ.. - ISBN: 9789941062827
• კორპორაციული ფინანსები:თეორია, პრაქტიკა, სტრატეგიები : სახელმძღვანელო (თანაავტორი) // ტ. 2, კორპორაციული ფინანსების მართვის სტრატეგიები. - თბილისი, უნივერსალი, 2013. - 554გვ.
• კორპორაციული ფინანსები:თეორია, პრაქტიკა, სტრატეგიები : სახელმძღვანელო (თანაავტორი) // ტ. 1, კორპორაციული ფინანსების მართვის საფუძვლები. - თბილისი, უნივერსალი, 2012. - 522გვ.