ნიკოლოზ ლომთათიძე

დაბადების ადგილი: სოფელი ხიდისთავი, ჩოხატაურის მუნიციპალიტეტი.

დაამთავრა თბილისის სახელმწიფო სამედიცინო ინსტიტუტი 1938 წელს.

მსახურობდა წითელი არმიის რიგებში, იყო II მსოფლიო ომის მონაწილე; 1948–2005წწ. იყო ექიმთა დახელოვნების ინსტიტუტის ქირურგიული კათედრის თანამშრომელი; 1970 წლიდან ანესთეზიოლოგიისა და რეანიმატოლოგიის კათედრის პროფესორი; არის სამეცნიერო ნაშრომების ავტორი, რომლებიც ეძღვნება ქირურგიის, ანესთეზიოლოგიისა და რეანიმატოლოგიის აქტუალურ საკითხებს; მან აკად. ვ. ოკუჯავასთან ერთად შეისწავლა და პრაქტიკაში დანერგა ანესთეტიკი – ფტოროტანი; სსრკ-ში პირველმა, წარმოადგინა გაუტკივარების ორიგინალური მეთოდი – ენდოტრაქეალური ნარკოზი; დანერგა სამკურნალო და სადიაგნოსტიკო ბრონქოგრაფიისა და ბრონქოსკოპიის მეთოდები. ქირურგი, ანესთეზიოლოგ-რეანიმატოლოგი, მედიცინის მეცნიერებათა დოქტორი (1968), პროფესორი (1970). მიღებული აქვს სახელმწიფო ჯილდოები.

წყარო: საქართველოს მეცნიერებათა ეროვნული აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ.413-414

• სამედიცინო- ბიოლოგიური აკადემია, ნამდვილი წევრი (1977-)

• 2000 - ღირსების ორდენი
• 1984 - საქართველოს სახელმწიფო პრემია

• გაუტკივარების თანამედროვე მეთოდები (ავტორი). - თბილისი, საბჭოთა საქართველო, 1962. - 167გვ.
• ინტრატრაქეალური ნარკოზი ქირურგიაში (ავტორი). - თბილისი, საქმედგამი, 1957. - 124გვ.
• ბრონქოგრაფიის მნიშვნელობა ფილტვის დაავადებათა დიაგნოსტიკაში (ავტორი). - თბილისი, საქმედგამი, 1956. - 82გვ.