შალვა თადუმაძე

დაამთავრა თბილისის ჰუმანიტარული ინსტიტუტი იურისტის კვალიფიკაციით 1998 წელს; 2006 წელს ჩააბარა ადვოკატთა ტესტირება საერთო სპეციალიზაციით; 2006-2007წწ. სწავლობდა თბილისის პოლიტიკური სწავლების სკოლაში.

2001 წელს - საქართველოს თავდაცვის სამინისტროს კადრების მთავარი სამმართველოს იურიდიული ქვეგანყოფილების იურისტ-კონსულტანტი; 2001-2002წწ. - ასოციაცია "სამართალი და თავისუფლებასა" და პროექტ "სამხედრო მოსამსახურის უფლებებში" ევროპის უშიშროებისა და თანამშრომლობის ორგანიზაციის (OSCE) ადვოკატი; 2001-2011წწ. - ასოციაცია "სამართალი და თავისუფლება", იურისტი, საგანმანათლებლო და კანონშემოქმედებითი ჯგუფის წევრი; 2002-2003წწ. - ადვოკატი ევროპული კომისიის (EC) პროექტში - "სამხედრო მოსამსახურეთა უფლებების დაცვა და ანტიკორუფციული ღონისძიებები თავდაცვის სფეროში"; 2002-2004წწ. - სამხედრო დისციპლინის კოდექსის შემმუშავებელი კომისიის წევრი; 2003-2004წწ. - საქართველოს თავდაცვის სამინისტროს იურიდიული დეპარტამენტის უფროსის მოადგილე; 2005-2007წწ. - ასოციაცია "სამართალი და თავისუფლება" და "ადამიანის უფლებების დაცვა შეიარაღებულ ძალებში და სამოქალაქო კონტროლი თავდაცვის სამინისტროზე"  ღია საზოგადოების ინსტიტუტის ბუდაპეშტის ფონდის (OSI) პროექტში პროექტის კოორდინატორი და ადვოკატი; 2006-2009წწ. - ეროვნული უსაფრთხოების შემსწავლელი ცენტრისა და IRI-ის პროექტ "ეროვნული უსაფრთხოების შემსწავლელ სკოლაში" პროექტის კოორდინატორი; 2007-2008წწ. - კომპანია "აბგ & პროფსერვის გრუპში" ადვოკატი; 2008-2012წწ. - დააფუძნა საადვოკატო კომპანია "შალვა თადუმაძე და ბი ელ ფი კონსალტინგი", სადაც საერთო სპეციალიზაციით მუშაობდა ადვოკატად; 2010-2012წწ. - ასოციაცია "სამართალი და თავისუფლებასა" და ევროპის კავშირის (EU) პროექტ "წამების პრევენცია სამხედრო ჰაუპტვახტებში" პროექტის კოორდინატორი; 2014-2016წწ. - ხელმძღვანელობდა საქართველოს ადმინისტრაციულ სამართალდარღვევათა კოდექსის რეფორმის ხელშემწყობ სამთავრობო კომისიას; 2012-2018წწ. -  საქართველოს მთავრობის საპარლამენტო მდივანი (საპარლამენტო მდივნის სამსახურის უფროსი); 2018 წლის აპრილიდან - საქართველოს მთავრობის ადმინისტრაციის უფროსი; 2018-2019წწ. - საქართველოს  მთავარი პროკურორი; 2019 წლის დეკემბრიდან არჩეულია საქართველოს უზენაესი სასამართლოს მოსამართლედ უვადოდ, კანონით დადგენილი ასაკის მიღწევამდე. 2019 წლის დეკემბრიდან - უზენაესი სასამართლოს თავმჯდომარის მოადგილე, სისხლის სამართლის საქმეთა პალატის თავმჯდომარე. 2024 წლის 30 დეკემბრიდან - საქართველოს შინაგან საქმეთა მინისტრის მოადგილე. წოდება - პოლიციის უფროსი ლეიტენანტი.

წყარო: საქართველოს იუსტიციის უმაღლესი საბჭო: hcoj.gov.ge; საქართველოს შინაგან საქმეთა სამინისტრო: police.ge

• საქართველო - ნატო, 1992-2008 = Georgia - NATO, 1992-2008 (ავტორი). - თბილისი, ასოციაცია სამართალი და თავისუფლება, 2008. - 52გვ.
• სამართლის კურსი სამხედრო მოსამსახურეთათვის (თანაავტორი). - თბილისი, ასოციაცია სამართალი და თავისუფლება, 2002. - 132გვ.