რამაზ დავითაია

დაბადების ადგილი: სოფელი მენჯი, სენაკის რაიონი.

II ქვეითი ბრიგადის 23-ე მსუბუქი ქვეითი ბატალიონის III მსუბუქი ქვეითი ასეულის, III მსუბუქი ქვეითი ოცეულის II მსუბუქი ქვეითი ათეულის მეტყვიამფრქვევე; მოიხადა სავალდებულო-სამხედრო ვალდებულება და 2008 წელს 4 წლიან საკონტრაქტო ხელშეკრულებას მოაწერა ხელი; მონაწილეობდა 2008 წლის რუსეთ-საქართველოს ომში. საომარი მოქმედებების დროს  რამაზს არც ერთი დაჭრილი ბრძოლის ველზე არ მიუტოვებია. გამოიყვანდა დაჭრილებს და შემდეგ გარდაცვლილების გამოსაყვანად ბრუნდებოდა უკან; 2012 წელს "ISAF"-ის სამშვიდობო მისიით ავღანეთში გაემგზავრა; 21 ივნისს  რამაზ დავითაია პატრულირების დროს სნაიპერის ტყვიით მძიმედ დაიჭრა. სამწლიანი უშედეგო მკურნალობის შედეგად გარდაიცვალა.

წყარო: გმირი, 2008-2018: ოთხოზორია-ტატუნაშვილი: 2008 წლის აგვისტოს ომში და სხვადასხვა მისიებში დაღუპული ქართველი ჯარისკაცების ისტორიები. - თბ.,2018.- გვ.325-327

• 2008 - ვახტანგ გორგასლის III ხარისხის ორდენი
  საბრძოლო მამაცობისთვის