გივი ლომიძე

დაბადების ადგილი: ქ. ქუთაისი.

1929 წელს გაიმარჯვა ჟურნალ "ნიანგის" მიერ გამოცხადებულ კონკურსში. თანამშრომლობდა ჟურნალ "ნიანგსა" და "კროკოდილთან" (მოსკოვი); გაზეთ "კომუნისტთან", "პრავდასთან" და სხვ. მისი კარიკატურები იბეჭდებოდა სხვადასხვა ქვეყნის პრესის ფურცლებზე. ძირითადი ნამუშევრებია: პოლიტიკური და სოციალისტური კარიკატურები, მეგობრული შარჟები. გამოფენებში მონაწილეობდა 1949 წლიდან, 1983 წელს მოსკოვში ჰქონდა პერსონალური გამოფენა; 1969 წელს იქვე მიიღო მონაწილეობა I საერთაშ. გამოფენაში "სატირა მშვიდობისათვის ბრძოლაში", სადაც მიენიჭა ოქროს მედალი, ხოლო 1983, იმავე ეგიდით გამართულ IV საერთაშორისო გამოფენაზე – ვერცხლის მედალი. მხატვარ-კარიკატურისტი.

წყარო: საქართველოს მეცნიერებათა ეროვნული აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ.420