მამია ფანცულაია

დაბადების ადგილი: სოფელი აბგარხუკი, გუდაუთის რაიონი, აფხაზეთი.

დაამთავრა სუბტროპიკული მეურნეობის ინსტიტუტის აგრონომიული ფაკულტეტი

მამია ფანცულაია მეხუთე კლასში იყო, მისი ოჯახი კოპიტნარში რომ გადავიდა საცხოვრებლად. სავალდებულო სამხედრო სამსახური ქუთაისში მოიხადა და ჯარში დარჩა, ტყიბულში მსახურობდა, ნაწილის დაშლის შემდეგ კი, 2005 წლის მარტში, კონტრაქტი გააფორმა საქართველოს შეიარაღებულ ძალებში. მსახურობდა სენაკის მეორე ქვეით ბრიგადაში, 22-ე ბატალიონში ათმეთაურად. დაიღუპა 9 აგვისტოს ცხინვალის რაიონის სოფელ ხეთაგუროვში, ეკლესიის ეზოში. სამშვიდობო მისიით იმყოფებოდა ერაყშიც. 2019 წლის აგვისტოში წყალტუბოს რაიონის სოფელ ფარცხანაყანევის N2 საჯარო სკოლას, სადაც მამია ფანცულაია სწავლობდა, მისი სახელი მიენიჭა. უმცროსი სერჟანტი.

წყარო: გმირი : 2008 წლის აგვისტოს ომში დაღუპული ჯარისკაცების ხსოვნისადმი მიძღვნილი წიგნი: ნაწ. 1 / წიგნზე მუშაობდნენ: თორნიკე ყაჯრიშვილი, თამარ შარმიაშვილი, დავით ფაჩუაშვილი [და სხვ.].-თბ.,2010. გვ.283

• 2008 - მედალი "მხედრული მამაცობისთვის" (გარდაცვალების შემდეგ)