ზვიად დათუაშვილი

დაბადების ადგილი: სოფელი შუა ხორგა, ხობის მუნიციპალიტეტი.

დაამთავრა ფოთის ტექნიკური ლიცეუმი საბუღალტრო განხრით; ნიკო ნიკოლაძის სახელობის უნივერსიტეტის ეკონომიკური ფაკულტეტი საბანკო-საფინანსო სპეციალობით.

მუშაობდა გემთშემკეთებელ ქარხანაშიც. იყო თვითნასწავლი მხატვარი. სამხედრო სავალდებულო სამსახურიც უნივერსიტეტში სწავლისას მოიხადა, 2007 წლიდან კონტრაქტით მსახურობდა საქართველოს შეიარაღებულ ძალებში (მსახურობდა საზღვაო ძალებში), გემ "გურია 001"-ის მესაჭე-მესიგნალე იყო. ზვიად დათუაშვილი გერმანიაში სწავლის გასაგრძელებლად აპირებდა წასვლას, სიტუაცია რომ დაიძაბა, თბილისში იყო, გერმანული ენის კურსებზე დადიოდა, დოკუმენტებს აწესრიგებდა, მაგრამ 6 აგვისტოს თავისი ინიციატივით გადადო გერმანიაში წასვლა და ფოთში თავის ნაწილში დაბრუნდა. დაიღუპა ფოთის დაბომბვის დროს. კაპრალი.

წყარო: გმირი : 2008 წლის აგვისტოს ომში დაღუპული ჯარისკაცების ხსოვნისადმი მიძღვნილი წიგნი: ნაწ. 1 / წიგნზე მუშაობდნენ: თორნიკე ყაჯრიშვილი, თამარ შარმიაშვილი, დავით ფაჩუაშვილი [და სხვ.].-თბ.,2010. გვ.307

• 2008 - მედალი "მხედრული მამაცობისთვის" (გარდაცვალების შემდეგ)