თემურ ჩხენკელი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის კიბერნეტიკის ფაკულტეტი ფიზიკოს–კიბერნეტიკოსის სპეციალობით 1966 წელს; 1970–1973 წწ. სწავლობდა ასპირანტურაში, ნოვოსიბირსკის მათემატიკის ინსტიტუტში. 

1982 წლის 2 სექტემბრიდან დანიშნულია საქართველოს კარლ მარქსის სახელობის სახელმწიფო რესპუბლიკური ბიბლიოთეკის (ახ. საქართველოს პარლამენტის ეროვნული ბიბლიოთეკა), საბიბლიოთეკო პროცესების ავტომატიზირებული სისტემის განყოფილების გამგის თანამდებობაზე; 1991 წლის 12 ნოემბრიდან დაევალა დირექტორის მოადგილის მოვალეობის შესრულება ტექნიკის დარგში; 1992 წლის 8 აპრილიდან დანიშნული იყო ბიბლიოთეკის დირექტორის მოადგილის თანამდებობაზე ინფორმატიკის დარგში და დროებით მასვე დაევალა საბიბლიოთეკო პროცესების ავტომატიზირებული სისტემის განყოფილების გამგის მოვალეობის შესრულება (1992-1995); 1999-2006 წლებში იყო საქართველოს პარლამენტის ეროვნული ბიბლიოთეკის ინფორმაციის დეპარტამენტის უფროსი; 2006-2007 წლებში საინფორმაციო ტექნოლოგიების დეპარტამენტის დირექტორი. არის 42 სამეცნიერო ნაშრომის ავტორი.

წყარო: საქართველოს პარლამენტის ეროვნული ბიბლიოთეკა - "ბიბლიონი": nplg.gov.ge

• ინტერნეტი : ინფორმაციის ძიება "მსოფლიო აბლაბუდაში" : დამხმ. სახელმძღვ. (ავტორი). - თბილისი, 1999. - 128გვ.. - ISBN: 99928-0-012-7
• საქართველო-ამერიკის შეერთებული შტატების საბიბლიოთეკო კონფერენცია (2, 1997, თბილისი) კონფერენციის მასალები (ქართულ ენაზე) 17-19 სექტემბერი (შემდგენელი). - თბილისი, ქართული წიგნი, 1997. - 82გვ.