მიხეილ ლოხვიცკი

დაბადების ადგილი: ქ. დეტსკოე-სელო (ახლანდელი ქ. პუშკინი).

დაამთავრა თბილისის სახელმწიფო უნივერსიტეტის ფილოლოგიის ფაკულტეტი 1952 წელს.

ცხოვრობდა და მოღვაწეობდა თბილისში. უნივერსიტეტში ბ. ოკუჯავასა და ა. ციბულევსკისთან ერთად ჩამოაყალიბა ლიტერატურული გაერთიანება "სოლომენნაია ლამპა" ("Соломенная лампа"); წლების განმავლობაში მუშაობდა გამომცემლობა "მერანში" რუსული რედაქციის გამგედ; პირველი მოთხრობა "ძეგლი" 1949 წელს გამოაქვეყნა, მოთხრობათა პირველი კრებული "შეხვედრები გზაში" – 1955 წელს; ავტორია მოთხრობათა კრებულებისა: "მთის ქედის ადამიანები" (1958), "რად არის ზღვა ლურჯი" (1966), "დღისით, მზისით" (1974) და სხვ.; რომანებისა: "უცნობი" (1964), "გასროლა მეტეხში" (1973); აღსანიშნავია ისტორიული მოთხრობა "მეხთატეხა" (1977), რომელშიც XIX ს. კავკასიის პირველი ომის დროს წინაპრების, შაფსუღების, რამდენიმე ოჯახის ისტორიაა აღწერილი; "მეხთატეხის" თავისებურ გაგრძელებად შეიძლება ჩაითვალოს რომანი "ღმერთების ძიება", რომელიც მწერლის გარდაცვალების შემდეგ გამოიცა (ქართული თარგმანი მ. ბეროშვილისა, 2014). ის რუსულ ენაზე თარგმნიდა ქართულ მწერალთა ნაწარმოებებს. ჩერქეზი მწერალი, მიღებული აქვს სახელმწიფო ჯილდოები.

წყარო: საქართველოს მეცნიერებათა ეროვნული აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; მიხეილ ლოხვიცკის (აჯუკ გირეი) გახსენება / თამარ უჯუხი // მნათობი.-16 ივლისი,2022; საქართველო: ენციკლოპედია: ტ.5. -თბ.,2023. -გვ.439

• ღმერთების ძიება = Поиски богов : რომანი (ავტორი). - თბილისი, კავკასიური სახლი, 2014. - 356გვ.. - ISBN: 9789941400698
• კორტანეთული მოთხრობები = Кортанетские рассказы (ავტორი). - თბილისი, ჩერქეზული (ადიღური) კულტურის ცენტრი, 2014. - 160გვ.. - ISBN: 9789941427725
• მზიანი სისხლი : რომანი (ავტორი). - თბილისი, მერანი, 1986. - 398გვ.
• მეხთატეხა : ისტ. მოთხრობა (ავტორი). - თბილისი, საბჭოთა საქართველო, 1985. - 147გვ.
• მწვანე ტელეფონის ზარი : მოთხრობები (ავტორი). - თბილისი, საბჭოთა საქართველო, 1980. - 363გვ.
• გასროლა მეტეხში : რომანი (ავტორი). - თბილისი, საქ. კპ ცკ-ის გამ-ბა, 1976. - 467გვ.
• ქვეყანა დიდია : მოთხრობები (ავტორი). - თბილისი, საბჭოთა მწერალი, 1962. - 334გვ.