ეკატერინე ცისკარიძე

დაბადების ადგილი: ქ. სამტრედია.

დაამთავრა თბილისის სახელმწიფო უნივერსიტეტის იურიდიული ფაკულტეტი 1997 წელს.

2000-2001წწ. - საქართველოს იუსტიციის სამინისტროს ადგილობრივ ორგანოებთან ურთიერთობისა და საჯარო რეესტრის წარმოების, შემდეგ კი ნორმატიული აქტების ექსპერტიზისა და რეგისტრაციის დეპარტამენტებში მრჩეველი; 2001 წელს - თანამდებობის პირთა ქონებრივი და საფინანსო მდგომარეობის საინფორმაციო ბიუროს იურიდიულ საკითხთა სექტორში წამყვანი სპეციალისტი; 2001-2005წწ. - საქართველოს საკონსტიტუციო სასამართლოს სამართლებრივი უზრუნველყოფის დეპარტამენტის საჯარო სამართლის სექტორის უფროსი; 2005 წელს - საქართველოს განათლებისა და მეცნიერების სამინისტროს იურიდიულ დეპარტამენტში იურისტი; 2005-2015წწ. - თბილისის საქალაქო სასამართლოს სამოქალაქო საქმეთა კოლეგიის მოსამართლე; 2016 წლის იანვრიდან - თბილისის სააპელაციო სასამართლოს სამოქალაქო საქმეთა პალატის მოსამართლე. 2018 წლის თებერვლიდან თანამდებობაზე გამწესებულია უვადოდ, კანონით დადგენილი ასაკის მიღწევამდე.

წყარო: საქართველოს იუსტიციის უმაღლესი საბჭო: hcoj.gov.ge