ოლიფანტე უგულავა

დაბადების ადგილი: სოფელი ნახახულევი, ქუთაისის გუბერნია (ახ. ხონის მუნიციპალიტეტი).

1918 წლიდან იყო ბოლშევიკური პარტიის წევრი. 1919-1920წწ. რიგითად მსახურობდა დამოუკიდებელი საქართველოს ჯარში. 1922 წელს პარტიული მობილიზაციით გაწვეული იყო წითელ არმიაში. მსახურობდა სხვადასხვა ქართულ შენაერთში. 1935 წლიდან იყო 1-ლი ქართული მსროლელი დივიზიის სამხედრო კომისარი; 1936 წლიდან ამიერკავკასიის სამხედრო ოლქის პოლიტსამმართველოს უფროსის მოადგილე. 1937 წლის ივლისში დააპატიმრეს კონტრრევოლუციური საქმიანობის ბრალდებით და მოგვიანებით დახვრიტეს. რეაბილიტირებულია 1957 წელს. დივიზიის კომისარი (1936).

წყარო: სტალინური სიები: stalin.historyproject.ge

• 1936 - წითელი დროშის ორდენი
• 1931 - შრომის წითელი დროშის ორდენი (საქართველოს სსრ)