გიორგი მიროტაძე

დაბადების ადგილი: ქ. ჭიათურა.

დაამთავრა ქ. რუსთავის სასკოლათაშორისო სასწავლო საწარმოო კომბინატი (კომპიუტერული სკოლა) ოპერატორ-პროგრამისტის კვალიფიკაციით 1991 წელს; ქ. რუსთავის N 104 პროფესიულ-ტექნიკური სასწავლებელი - 1992 წელს; თბილისის სახელმწიფო უნივერსიტეტის იურიდიული ფაკულტეტი სამართალმცოდნეობის სპეციალობით 1998 წელს. 2000 წელს გაიარა მოსამართლის თანაშემწის კურსები; 2003 წელს ჩააბარა პროკურატურის მუშაკთა საკვალფიკაციო გამოცდა; 2004 წელს - ადვოკატთა ტესტირება საერთო სპეციალიზაციით; 2005 წელს - მოსამართლის საკვალიფიკაციო გამოცდა (საერთო სპეციალიზაციით); 2013 წელს დაამთავრა იუსტიციის უმაღლესი სკოლა.

1996-1998წწ. მუშაობდა საქართველოს შს სამინისტროს სამეურნეო განყოფილებაში; 1999-2000წწ. - ქ. რუსთავის არასახელმწიფო მრავალპროფილიანი სკოლა "რეცას" სახელმწიფოსა და სამართლის საფუძვლების მასწავლებელი; 2000-2005წწ. - რუსთავის საქალაქო სასამართლოში მოსამართლის თანაშემწე; 2005 წლის აპრილიდან სექტემბრამდე - სს "რუსთავის მეტალურგიული კომბინატის" რეაბილიტაციის და გაკოტრების მმართველის თანაშემწე იურიდიულ საკითხებში; 2005-2006წწ. - გორის რაიონული სასამართლოს მოსამართლე; 2006-2007წწ. - საქართველოს იუსტიციის უმაღლესი საბჭოს სამოსამართლეო ეთიკისა და დისციპლინური სამართალწარმოების დეპარტამენტში სამოქალაქო სამართლის საქმეებზე დისციპლინური სამართალწარმოების სამმართველოს კონსულტანტი, სამმართველოს უფროსი; 2007-2012წწ. - საქართველოს იუსტიციის უმაღლესი საბჭოს სამოსამართლეო ეთიკისა და დისციპლინური სამართალწარმოების დეპარტამენტის უფროსი; 2013 წლის ივლისიდან ნოემბრამდე - თბილისის სააპელაციო სასამართლოს თავმჯდომარის ბიუროში უფროსი კონსულტანტი; 2013 წლის ნოემბერში - საქართველოს უზენაეს სასამართლოში კონსულტანტი; 2013-2015წწ. - სიღნაღის რაიონულ სასამართლოს მოსამართლე და მივლინების საფუძველზე მოსამართლის უფლებამოსილებას ახორციელებდა თბილისის სააპელაციო სასამართლოს საგამოძიებო კოლეგიაში; 2015 წლიდან - თბილისის სააპელაციო სასამართლოს საგამოძიებო კოლეგიის მოსამართლე; 2016 წლის ოქტომბრიდან თანამდებობაზე გამწესებულია უვადოდ, კანონით დადგენილი ასაკის მიღწევამდე. 2016-2019წწ. - იუსტიციის უმაღლესი სკოლის დამოუკიდებელი საბჭოს წევრი.

წყარო: საქართველოს იუსტიციის უმაღლესი საბჭო: hcoj.gov.ge