ალექსანდრე წულაძე

დაბადების ადგილი: ქ. ბათუმი. 
დაამთავრა ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტი 2006 წელს; რომის "ლა საპიენცას" უნივერსიტეტი, LLM 2010 წელს; 2011-2016წწ. ივანე ჯავახიშვილის სახელობის თბილისის სახელმწიფო უნივერსიტეტის დოქტორანტურა.

2018-2023წწ. იყო ალტე უნივერსიტეტის ასოცირებული პროფესორი; 2011-2019წწ. ​​ივანე ჯავახიშვილის სახელობის თბილისის სახელმწიფო უნივერსიტეტის მოწვეული ლექტორი; 2018-2020წწ. სამართლისა და ეკონომიკის საუნივერსიტეტო ცენტრის ​​აკადემიური დირექტორი; 2016 წელს კოლუმბიის უნივერსიტეტის მკვლევარი, პოსტ-დოკი (ნიუ იორკი, აშშ); 2015  წელს ​​საქართველოს იუსტიციის უმაღლესი სკოლის მოწვეული ლექტორი; 2013 წელს მაქს პლანკის საერთაშორისო კერძო და შედარებითი სამართლის ინსტიტუტის მკვლევარი (ჰამბურგი, გერმანია); 2005-2006წწ. იყო სტაჟიორი საქართველოს პარლამენტის იურიდიულ კომიტეტსა და საქართველოს იუსტიციის სამინისტროში; 2007-2009წწ. იურიდიული კომპანიის იურისტი; 2010–2011წწ. თბილისის საქალაქო სასამართლო, ადმინისტრაციული ბიუროს უფროსი; 2011-2012წწ. საქართველოს იუსტიციის სამინისტროს ადმინისტრაციული დეპარტამენტის მრჩეველი; 2012-2015წწ. საქართველოს უზენაესი სასამართლოს ანალიტიკური განყოფილების უფროსი; 2015-2017წწ. საქართველოს იუსტიციის უმაღლესი საბჭოს საერთაშორისო დეპარტამენტის უფროსი; 2017-2019წწ. თბილისის საქალაქო სასამართლოს მედიატორი; 2018 წლის თებერვლიდან საქართველოს ადვოკატთა ასოციაციის კომერციული და კონკურენციის სამართლის კომიტეტის თანათავმჯდომარე; 2017-2019წწ. იურიდიული კომპანია "CLL Law Firm"-ის მმართველი პარტნიორი; 2019-2023წწ. საქართველოს უზენაესი სასამართლოს მოსამართლე; 2023 წლის დეკემბრიდან 2024 წლის აგვისტომდე იყო საქართველოს განათლების, მეცნიერებისა და ახალგაზრდობის მინისტრის პირველი მოადგილე; 2024 წლის 8 აგვისტოდან განათლების ხარისხის განვითარების ეროვნული ცენტრის დირექტორია; 2024 წლის 2 ოქტომბერს დაინიშნა საქართველოს განათლების, მეცნიერებისა და ახალგაზრდობის მინისტრად. არის არაერთი სამეცნიერო ნაშრომის ავტორი.

წყარო: საქართველოს განათლების, მეცნიერებისა და ახალგაზრდობის სამინისტრო: mes.gov.ge; hcoj.gov.ge

• ქართული სასამართლო მედიაციის შედარებითი ანალიზი = Comparative analysis of Georgian Court Mediation (ავტორი). - თბილისი, იურისტების სამყარო, 2017. - 242გვ.. - ISBN: 9789941953736