ზურაბ ეფაძე

დაბადების ადგილი: სოფელი ჩხუტელი, ცაგერის მუნიციპალიტეტი.

სამხედრო სავალდებულო სამსახურში წელიწადნახევარი იმსახურა, 2004 წლიდან კონტრაქტით მსახურობდა საქართველოს შეიარაღებულ ძალებში, ქუთაისის სამხედრო ბაზის მეოთხე ბრიგადაში ოცმეთაურად. მზვერავი იყო, სერჟანტის წოდებით. 2007 წელს სამშვიდობო მისიით 8 თვით იმყოფებოდა ერაყში, საიდანაც დიპლომი და სერტიფიკატი ჩამოიტანა.  სიცოცხლეშივე მიღებული ჰქონდა სამხედრო ჯილდოები. დაიღუპა 8 აგვისტოს ცხინვალის მისადგომებთან საავიაციო დაბომბვისას, ჟეტონის საშუალებით ამოიცნეს. სოფელ ჩხუტელში, სკოლა, რომელიც ზურაბ ეფაძემ დაამთავრა, მის სახელს ატარებს. უმცროსი სერჟანტი.

წყარო: გმირი : 2008 წლის აგვისტოს ომში დაღუპული ჯარისკაცების ხსოვნისადმი მიძღვნილი წიგნი: ნაწ. 1 / წიგნზე მუშაობდნენ: თორნიკე ყაჯრიშვილი, თამარ შარმიაშვილი, დავით ფაჩუაშვილი [და სხვ.].-თბ.,2010. გვ.539

• 2008 - მედალი "მხედრული მამაცობისთვის" (გარდაცვალების შემდეგ)