ლაურა მიქავა

დაბადების ადგილი: ქ. წალენჯიხა.

დაამთავრა ქ. ზუგდიდის სახელმწიფო უმაღლესი კოლეჯი დაწყებითი ენის მეთოდიკისა და პედაგოგიკის სპეციალობით 1998 წელს; თბილისის სახელმწიფო უნივერსიტეტის ზუგდიდის ფილიალის იურიდიული ფაკულტეტი 2002 წელს; 2003 წლიდან სწავლობდა თბილისის სახელმწიფო უნივერსიტეტის ასპირანტურაში სამოქალაქო სამართლის კათედრაზე; იყო ამავე უნივერსიტეტის დოქტორანტი; 2011 წელს დაამთავრა იუსტიციის უმაღლესი სკოლა.

2003-2005წწ. - თბილისის საოლქო სასამართლოში სხდომის მდივანი; 2005-2006წწ. - საადვოკატო საქმიანობა; 2004 წლიდან თბილისის სახელმწიფო უნივერსიტეტში კითხულობს ლექციებს სამოქალაქო სამართალში; 2007 წლიდან ასისტენტ-პროფესორი. 2006-2009წწ. - თბილისის საქალაქო სასამართლოს მოსამართლის თანაშემწე; 2011-2012წწ. წალენჯიხის რაიონული სასამართლოს მოსამართლე და მოსამართლის უფლებამოსილებას ახორციელებდა ზუგდიდის რაიონული სასამართლოში; 2012-2017წწ. - ზუგდიდის რაიონული სასამართლოს მოსამართლე; 2017 წლიდან - ქუთაისის სააპელაციო სასამართლოს სამოქალაქო საქმეთა პალატის მოსამართლე. 2019 წლის ოქტომბრიდან თანამდებობაზე გამწესებულია უვადოდ, კანონით დადგენილი ასაკის მიღწევამდე.

წყარო: საქართველოს იუსტიციის უმაღლესი საბჭო: hcoj.gov.ge