ალექსი ნატროშვილი

დაბადების ადგილი: ქ. რუსთავი.

დაამთავრა თელავის უნივერსიტეტის ისტორიისა და სამართლის ფაკულტეტი.

სწავლის პერიოდში გაიარა სამხედრო კათედრა, უნივერსიტეტის დამთავრების შემდეგ სამხედრო აკადემიაში ჩააბარა და ერთწლიანი კურსი გაიარა, ჩაირიცხა  თელავის კომანდოს ბატალიონში, იყო ოცმეთაური. ცხინვალშიც იყო წასული სამშვიდობო მისიით, ბოლოს მეოთხე ბრიგადაში მსახურობდა. ომამდე ათი დღით ადრე კი ასმეთაურად დაინიშნა. 2008 წლის აგვისტოს ომის დროს დაზვერვაზე იყო წასული და დაბრუნებულს უთქვამს, რომ დიდი ხაფანგები იყო და უკან დახევაზე შეთანხმებულან ბრიგადის მეთაურთან, დაიღუპა უკან დახევის დროს აფეთქებისას. ალექსი ნატროშვილის ჯგუფი ხუთი კაცისგან შედგებოდა, აფეთქების შემდეგ ხუთი მებრძოლიდან ორი ვერ გამოიყვანეს, მათ შორის ალექსი ნატროშვილი. გურჯაანის მუნიციპალიტეტის სოფელ კალაურში მისი სახელობის ტრადიციული ტურნირი ტარდება მინი ფეხბურთში. უფროსი ლეიტენანტი.

წყარო: გმირი : 2008 წლის აგვისტოს ომში დაღუპული ჯარისკაცების ხსოვნისადმი მიძღვნილი წიგნი: ნაწ. 1 / წიგნზე მუშაობდნენ: თორნიკე ყაჯრიშვილი, თამარ შარმიაშვილი, დავით ფაჩუაშვილი [და სხვ.].-თბ.,2010. გვ.591

• 2008 - ვახტანგ გორგასლის I ხარისხის ორდენი (გარდაცვალების შემდეგ)