ნინო თარაშვილი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის იურიდიული ფაკულტეტი ბაკალავრის აკადემიური ხარისხით 2007 წელს; საქართველოს ტექნიკური უნივერსიტეტი სამართლის მაგისტრის აკადემიური ხარისხით 2014 წელს; 2006  წელს გაიარა სტაჟირება თბილისის საქალაქო სასამართლოს სისხლის სამართლის საქმეთა კოლეგიაში; 2008 წელს გაიარა მოსამართლის თანაშემწის სასწავლო კურსი და წარმატებით ჩააბარა გამოცდა; 2013 წელს ჩააბარა მოსამართლეობის საკვალიფიკაციო გამოცდა სისხლის სამართლის სპეციალიზაციით; 2017 წელს დაამთავრა იუსტიციის უმაღლესი სკოლა; 2010-2016წწ. სასწავლო ვიზიტით იმყოფებოდა ამერიკის შეერთებულ შტატებში, იყო სისხლის სამართლისა და სისხლის სამართლის პროცესის, ადამიანის უფლებების, მენეჯმენტისა და კომუნიკაციის თემებზე გამართული არაერთი კონფერენციის, სემინარის, სამუშაო შეხვედრისა და ტრენინგის მონაწილე, მათ შორის 2010 წელს ნაფიც მსაჯულთა სისტემის გაცნობის მიზნით.