ლელა მილდენბერგერი

დაბადების ადგილი: ქ. თბილისი.

დაამთავრა სულხან-საბა ორბელანის სახელობის სახელმწიფო პედაგოგიური ინსტიტუტის რუსული ენისა და ლიტერატურის ფაკულტეტი 1991 წელს; წმიდა გრიგოლ ფერაძის სახელობის თბილისის უნივერსიტეტის იურიდიული ფაკულტეტი 2007 წელს; 2007 წელს ჩააბარა ადვოკატთა საკვალიფიკაციო გამოცდა სამოქალაქო და ადმინისტრაციული სამართლის სპეციალიზაციით; 2009 წელს ჩააბარა მოსამართლის თანაშემწეობის პრეტენდენტთა საკვალიფიკაციო გამოცდა; 2010 წელს - მოსამართლეობის საკვალიფიკაციო გამოცდა; 2016-2017 წლებში იყო იუსტიციის უმაღლესი სკოლის მსმენელი.

2000-2008წწ. - არასამთავრობო ორგანიზაცია "საგანმანათლებლო თანამშრომლობისა და განვითარების ცენტრის" საზოგადოებასთან ურთიერთობის მენეჯერი; 2008 წელს გაიარა სტაჟირება თბილისის სააპელაციო სასამართლოში; 2004-2009წწ. - წმიდა გრიგოლ ფერაძის სახელობის თბილისის უნივერსიტეტში რუსული ენისა და ლიტერატურის ლექტორი; 2008-2014წწ. - თბილისის სააპელაციო სასამართლოს სხდომის მდივანი; 2014-2018წწ. - თბილისის სააპელაციო სასამართლოს მოსამართლის თანაშემწე; 2018-2019წწ. - ქუთაისის საქალაქო სასამართლოს ადმინისტრაციულ საქმეთა კოლეგიის მოსამართლე; 2019 წლიდან - თბილისის საქალაქო სასამართლოს ადმინისტრაციულ საქმეთა კოლეგიის მოსამართლე.

წყარო: საქართველოს იუსტიციის უმაღლესი საბჭო: hcoj.gov.ge