კობა წურწუმია

დაბადების ადგილი: სოფელი ლეწურწუმე, ჩხოროწყუს მუნიციპალიტეტი.

სწავლობდა ჩხოროწყუს პროფესიულ-ტექნიკურ სასწავლებელში. ტექნიკუმის დამთავრებისთანავე მოიხადა სამხედრო სავალდებულო სამსახური, ორი წელი მსახურობდა ფოთში. საქართველოს შეიარაღებულ ძალებთან კონტრაქტს 2007 წელს მოაწერა ხელი, ვაზიანში მსახურობდა მეოთხე ქვეითი ბრიგადის 42-ე მსუბუქ ქვეით ბატალიონში, ათეულის მეთაური იყო, ყუმბარმტყორცნელი. 2008 წლის სექტემბერში სამშვიდობო მისიით ერაყში უნდა წასულიყო. 2008 წლის 7 აგვისტოდან, ომის დაწყების პირველივე წამიდან, ბრძოლის ქარცეცხლში წინა ხაზზე იყო, დაჭრილები გამოყავდა ბრძოლის ველიდან. თვითონ კი ცხინვალის მისადგომებთან 9 აგვისტოს მძიმედ დაიჭრა, საჰაერო დაბომბვის დროს ანასხლეტი მოხვდა. კაპრალი.

წყარო: გმირი : 2008 წლის აგვისტოს ომში დაღუპული ჯარისკაცების ხსოვნისადმი მიძღვნილი წიგნი: ნაწ. 1 / წიგნზე მუშაობდნენ: თორნიკე ყაჯრიშვილი, თამარ შარმიაშვილი, დავით ფაჩუაშვილი [და სხვ.].-თბ.,2010. გვ.635

• 2008 - მედალი "მხედრული მამაცობისთვის" (გარდაცვალების შემდეგ)