ალბერტ ბალხამიშვილი

დაამთავრა მოსკოვის საავიაციო სასწავლებელი.

სასწავლებლის დამთავრების შემდგომ დაბრუნდა საქართველოში, სავალდებულო სამხედრო სამსახურიც რუსეთში გაიარა. მოსკოვიდან ჩამოსვლის შემდეგ 25 წელი სამოქალაქო ავიაციაში გაატარა, ბოლო 8 წელი კი – სამხედრო ავიაციაში. ამის შემდეგ გადავიდა ბოლნისში სამხედრო მფრინავად, "იაკ 40"-ზე. 2008 წლის აგვისტოში ბოლნისში მსახურობდა, მაგრამ ბოლნისიდან თვითმფრინავი დავალებით მარნეულში გაფრინდა, იქიდან კოპიტნარში აპირებდნენ გადაფრენას. კოპიტნარში გაფრენამდე დაიბომბა მარნეულის აეროპორტი. ალბერტ ბალხამიშვილი 8 აგვისტოს დაიღუპა მარნეულის აეროპორტის დაბომბვის დროს. იგი აფხაზეთის ომის დროსაც სამოქალაქო თვითმფრინავს მართავდა და ხალხი გადმოჰყავდა. კაპიტანი.

წყარო: გმირი : 2008 წლის აგვისტოს ომში დაღუპული ჯარისკაცების ხსოვნისადმი მიძღვნილი წიგნი: ნაწ. 1 / წიგნზე მუშაობდნენ: თორნიკე ყაჯრიშვილი, თამარ შარმიაშვილი, დავით ფაჩუაშვილი [და სხვ.].-თბ.,2010.-გვ.651

• 2009 - მედალი "სამშობლოსათვის თავდადებული" (გარდაცვალების შემდეგ)
• 2008 - მედალი "მხედრული მამაცობისთვის" (გარდაცვალების შემდეგ)