დავით დვალიშვილი

დაბადების ადგილი: სოფელი დიხაშხო, ვანის მუნიციპალიტეტი.

დაამთავრა ქუთაისის გიორგი ნიკოლაძის სახელობის სპორტული სკოლა, შემდეგ სწავლა ქუთაისის უნივერსიტეტის იურიდიულ ფაკულტეტზე გააგრძელა.

უნივერსიტეტის დამთავრების შემდეგ მუშაობდა ქუთაისში დაცვის სამსახურში, პირადი მცველიც იყო. 2006 წელს სავალდებულო სამხედრო სამსახური მოიხადა. საქართველოს შეიარაღებულ ძალებში კონტრაქტით მსახურობდა - ვაზიანში  42-ე ბატალიონში, კონტრაქტიდან ერთი წელი იყო გასული, რომ დაიღუპა. 2008 წლის 7 აგვისტოს ვაზიანის ბრიგადა ცხინვალში შეიყვანეს, დავით დვალიშვილი 11 აგვისტოს ცხინვალში დაიღუპა, სნაიპერის ტყვიამ იმსხვერპლა. კაპრალი.

წყარო: გმირი : 2008 წლის აგვისტოს ომში დაღუპული ჯარისკაცების ხსოვნისადმი მიძღვნილი წიგნი: ნაწ. 1 / წიგნზე მუშაობდნენ: თორნიკე ყაჯრიშვილი, თამარ შარმიაშვილი, დავით ფაჩუაშვილი [და სხვ.].-თბ.,2010. გვ.667

• 2008 - მედალი "მხედრული მამაცობისთვის" (გარდაცვალების შემდეგ)