ვალერიან მაისაია

დაბადების ადგილი: სოფელი მუხურჩა, ახლანდელი მარტვილის მუნიციპალიტეტი.

დაამთავრა თბილისის სახელმწიფო სამედეცინო ინსტიტუტი 1954 წელს.

1960–1972წწ. მუშაობდა ტრავმატოლოგიისა და ორთოპედიის სამეცნიერო-კვლევითი ინსტიტუტის ექსპერიმენტალურ ლაბორატორიაში, შემდეგ – ნეიროქირურგიულ განყოფილებაში. 1972–1973წწ. იყო ექსპერიმენტული და კლინიკური ქირურგიის სამეცნიერო-კვლევითი ინსტიტუტის უფროსი მეცნიერი მუშაკი; 1973–1976წწ. თბილისის სახელმწიფო სამედეცინო ინსტიტუტის ბავშვთა ქირურგიის, 1976 წლიდან ნერვულ სნეულებათა კათედრის პროფესორი; 1978 წლიდან ბავშვთა რესპუბლიკური საავადმყოფოს, ამიერკავკასიაში პირველი ნეიროქირურგიული განყოფილების დამფუძნებელი (შემდგომში გამგე). არის სამეცნიერო ნაშრომების ავტორი, რომლეებიც ეხება ნეიროქირურგიისა და ნეიროფიზიოლოგიის აქტუალურ საკითხებს. მიღებული აქვს სახელმწიფო ჯილდოები. ნეიროქირურგი, მედიცინის მეცნიერებათა დოქტორი (1971), პროფესორი (1974).

წყარო: საქართველოს მეცნიერებათა ეროვნული აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ.464-465

• 1970 - ლენინის ორდენი