დავით გიგაური

დაბადების ადგილი: ქ. თბილისი.

დაამთავრა საქართველოს სასოფლო-სამეურნეო ინსტიტუტის, სატყეო-სამეურნეო ფაკულტეტი 1972 წელს; თბილისის სატყეო ინსტიტუტის ასპირანტურა 1975 წელს.

მუშაობდა "ტყეპროექტის" ამიერკავკასიის საწარმოში ინჟინერ-ტაქსატორად; 1975-1982წწ. თბილისის სატყეო ინსტიტუტში, ჯერ უმცროს, შემდეგ უფროს მეცნიერ მუშაკად; 1982-1983წწ. საქართველოს სატყეო მეურნეობის სამინისტროში განყოფილების უფროსად; 1983-1992წწ. თბილისის ეროვნულ პარკში, ჯერ მთავარ მეტყევედ, შემდეგ დირექტორად; 1992-1996წწ. იყო საქართველოს სატყეო მეურნეობის დეპარტამენტის თავმჯდომარე; 1996-2006წწ. "საქტყეპროექტის" მოადგილე, შემდეგ დირექტორი. გამოქვეყნებული აქვს მრავალი სამეცნიერო შრომა. სოფლის მეურნეობის მეცნიერებათა კანდიდატი (1978).

წყარო: ასი უბერებელი მეტყევე: ქართველ მეტყევეთა ბიოგრაფ. ცნობები/ანზორ ჩაფიძე.-თბ.,2009.-გვ.25