მზია აფრიდონიძე

დაბადების ადგილი: ქ. თბილისი.

დაამთავრა ვანო სარაჯიშვილის სახელობის სახელმწიფო კონსერვატორია 1975 წელს; 1983 წელს კვალიფიკაცია აიმაღლა კულტურის  მუშაკთა კვალიფიკაციის ამაღლების საკავშირო ინსტიტუტში. 

კონსერვატორიის დასრულების შემდეგ მუშაობა დაიწყო შოთა რუსთველის თეატრისა და კინოს უნივერსიტეტში ახალგაზრდული ორგანიზაციის თავმჯდომარედ, სადაც იმუშვა 15 წლის განმავლობაში; 1978-1999წწ. მუშაობს ქ. თბილისის მერიის კულტურის სამმართველოში სახელოვნებო და სასწავლო დაწესებულებათა მეთოდკაბინეტის დირექტორად; 1993 წლიდან ერთ-ერთი დამფუძნებელია მსოფლიოში ცნობილი არაფორმალური განათლების  პლატფორმის - საქართველოს სკაუტური მოძრაობის ორგანიზაციის; 1993-2017წწ. ახორციელებს საავტორო პროგრამების ტრენინგებს, როგორებიცაა : "თვითგანვითარება", "ლიდერობა", "შიშის ფსიქოლოგია", "ისწავლე და ასწავლე თამაშით"; მომზადების კურსი გაიარა მრავალმა ახალგაზრდამ და ზრდასრულმა, როგორც საქართველოში, ასევე მის ფარგლებს გარეთ; ამ პერიოდის განმავლობაში იყო  ევრაზიის სკაუტური რეგიონალური ორგანიზაციის საგანმანათლებლო პროგრამების ხელმძღვანელი, სადაც ყოფილი საბჭოთა კავშირის ქვეყნების საუკეთესო ახალგაზრდები გადიოდნენ მის მიერ მომზადებულ პროგრამებს; 2000 წლიდან არის ქალაქ თბილისის მუნიციპალიტეტის მერიის სერგო ზაქარიაძის სახელობის ტრადიციული და თანამედროვე ხელოვნების კოლეჯის დირექტორი, იმ ისტორიული კოლეჯისა, რომელიც 1937 წლიდან არსებობს; მისი დამსახურებით კოლეჯი წარმატებით ფუნქციონირებს და ერთადერთია საქართველოში სახელოვნებო საშუალო პროფესიული განათლების მიმართულებით; ასევე, საგანმანათლებლო პროგრამების ფორმირება და დღევანდელ მოთხოვნებთან ადაპტირება, სტუდენთა დასაქმების ინიცირება, საერთაშორისო პარტნიორებთან თანამშრომლობა; მისი ინიცირებით განხორციელდა ევროკავშირის პროექტები, სადაც დღემდე აქტიურად ერთვებიან კოლეჯის სტუდენტები; ქალაქ სიღნაღის რეაბილიტაციის შემდეგ, მისი ინიცირებითა და ხელმძღვანელობით 2009-2012წწ. განხორციელდა პროექტი "ვაცოცხლებთ სიღნაღს". ამ პერიოდის განმავლობაში მან სიღნაღში ჩაიყვანა ხელოვნების სხვადასხვა სფეროს წარმომადგენლები - მომღერალთა გუნდები, მუსიკალური ბენდები, ქორეოგრაფიული ანსამბლები, მხატვრები და ყოველი შაბათი-კვირა აქცია ხელოვნების დიდ ზეიმად; ავტორია სხვადასხვა ნაშრომის: "თვითგანვითარება", "ვისწავლოთ და ვასწავლოთ თამაშით"; გამოცემული აქვს ორი წიგნი - "ეს შენი ცააა" და "შენს გარეშე სიყვარულიც არ შემიძლია". ორივე წიგნში თავმოყრილია სხვადასხვა დროის ლექსები, ჩანახატები, თხზულებები და მისი ნახატები; იგი ავტორია რამდენიმე პერსონალური გამოფენის, რომელიც განხორციელდა "ჩაის სახლში" (1986), "ქარვასლის მუზეუმში" (1989), 2023 წელს საქართველოს პარლამენტის ეროვნულ ბიბლიოთეკასა და Sylk Factory -ში; ნამუშევრები წარდგენილი იყო სხვადასხვა საერთაშორისო გამოფენაზე; მნიშვნელოვანია აღინიშნოს თანამშრომლობა სხვადასხვა საერთაშორისო ორგანიზაციასთან, როგორიცაა: 2012-2015წწ. სამცხე - ჯავახეთის რეგიონალური განვითარების ასოციაციასთან (RDA) - სათემო ორგანიზაციების ლიდერების მომზადება, 2006-2009წწ. ორგანიზაცია "care – caucasus" პროექტის "გავაგრძელოთ წინსვლა" შეფასების კოორდინატორი; პროექტის ფარგლებში ქ. გორში საომარი კონფლიქტის შემდეგ სპორტის მეშვეობით მოხდა საჯარო სკოლების მოსწავლეთა და პედაგოგთა რეაბილიტაცია. ამის მეშვეობით საგანი - ფიზკულტურა დაუბრუნდა საშუალო სკოლების პროგრამას; 2013 წლიდან არის ქალაქ ლოძის იულია ტუვიმას სახელობის ახალგაზრდულ სასახლესთან, ფესტივალისა და სხვადასხვა ახალგაზრდული საგანმანათლებლო პროექტის ხელმძღვანელი, 2016 წლიდან ქალაქ რიგის ორგანიცია იუვენტუსთან ქორეოგრაფიული ფესტივალ-კონკურსის ფარგლებში კოლეჯის ცეკვის ჯგუფის ხელმძღვანელის ამპლუაში; აღსანიშნია ბოლო წლებში განხორციელებული პროექტები: ქორეოგრაფიული კონკურს-ფესტივალი "ქორეოექო" - ჟიურის თავმჯდომარე (2023), საქართველოს ფერმერთა ასოციაცია - ტრენერი (2022), "ქუჩის მუსიკოსები" - ხელმძღვანელი (2021), "ხელოვნების გზით" - კონსულტანტი-ტრენერი (2018-2019), "ხელოვნების ქარავანი" - მენეჯერი (2017); 2009 წელს მიიწვიეს განათლების სამინისტროს პროფესიული განათლების ექსპერთა საბჭოს კოორდინატორ - შემფასებლად, სადაც მომზადდა საკვალიფიკაციო ჩარჩო დოკუმენტი.

• 2024 - თბილისის საპატიო მოქალაქე
• თანამედროვე ევრაზიის საერთაშორისო პრემიის ოქროს ლაურეატი
  მეცნიერებასა და ხელოვნებაში განსაკუთრებული შეტანილი წვლილისთვის
• საქართველოს კულტურის ამაგდარი
• ღირსების ორდენი

• შენ გარეშე შეყვარებაც არ შემიძლია : კრებული (Author). - თბილისი, 2023. - 182გვ.. - ISBN: 9789941978074
• სკაუტი ლიდერის სახელმძღვანელო (Co-Author). - თბილისი, მერიდიანი, 2012. - 124გვ.. - ISBN: 9789941105289