ნათელა კაპანაძე-გაფრინდაშვილი

დაამთავრა თბილისის სახელმწიფო უნივერსიტეტის დასავლეთ ევროპის ენებისა და ლიტერატურის ფაკულტეტი ფრანგული ენის პედაგოგის სპეციალობით 1973 წელს.

1974-1977წწ. მუშობდა საქართველოს მეცნიერებათა აკადემიის ივანე ჯავახიშვილის სახელობის ისტორიისა და ეთნოლოგიის ინსტიტუტში ლაბორანტად; იმავე წელს პარალელურად სწავლას აგრძელებს ისტორიის ინსტიტუტის ასპირანტურაში; 1977-1979წწ. იყო საქართველოს მეცნიერებათა აკადემიის ივანე ჯავახიშვილის სახელობის ისტორიისა და ეთნოლოგიის ინსტიტუტის უმცროსი ლაბორანტი; 1979-1980წწ. ამავე ინსტიტუტის უფროსი ლაბორანტი; 1980-1987წწ. უმცროსი მეცნიერ თანამშრომელი; 1987-1989წწ. მეცნიერ თანამშრომელი; 1989-2001წწ. საქართველოს მეცნიერებათა აკადემიის ივანე ჯავახიშვილის სახელობის ისტორიისა და ეთნოლოგიის ინსტიტუტის უფროსი მეცნიერ თანამშრომელი; 2002-2006წწ. საქართველოს მეცნიერებათა აკადემიის შოთა რუსთაველის სახელობის ლიტერატურის ინსტიტუტის ფოლკლორის განყოფილების უფროსი მეცნიერ თანამშრომელი; 2005 წლიდან არის თბილისის სასულიერო აკადემიისა და სემინარიის ხარისხის უზრუნველყოფისა და სასწავლო პროცესის მართვის სამსახურის უფროსი სპეციალისტი; 2005 წლიდან ასევე საქართველოს საპატრიარქოს თამარ მეფის სახელობის გიმნაზიაში არჩევითი საგნის პედაგოგი ეთნოლოგიასა და ფოლკლორში; 2020 წლის ოქტომბრიდან თბილისის სასულიერო აკადემიისა და სემინარიის საქართველოს ისტორიის კათედრის კონსულტანტი; აქვს პედაგოგიური მუშაობის ხანგრძლივი გამოცდილება; ლექციებს კითხულობს: საქართველოს ისტორიაში, ფოლკლორში, ეთნოლოგიასა და ეთნოკულტურაში; 1993 წლიდან ლექციებს კითხულობს შემდეგ უმაღლეს სასწავლებლებში: თბილისის ივანე ჯავახიშვილის სახელობის სახელმწიფო უნივერსიტეტი, თბილისის სასულიერო აკადემია და სემინარია, ილია ჭავჭავაძის სახელობის სახელმწიფო უნივერსიტეტი, დავით აღმაშენებლის სახელობის თავდაცვის ეროვნული აკადემია, თელავის იაკობ გოგებაშვილის სახელობის სახელმწიფო უნივერსიტეტი, სოციალურ-ეკონოკური უნივერსიტეტი, საქართველოს ეროვნული უნივერსიტეტი - პოზიცია: პროფესორი, ლექტორი; გამოქვეყნებული აქვს 27 სამეცნიერო ნაშრომი, მათ შორის 7 მონოგრაფია; თარგმნა ფრანგი მოგზაურის დიუბუა დე მონპერეს "მოგზაურობა კავკასიაში" (ორი ტომი) და გამბას "მოგზაურობა საქართველოში" (ორი ტომი); გამოკვლევების სახით დაამუშა "ეთნოგრაფიული ცნობები კახეთზე" გამბას მიხედვით და "ჩერქეზები" გამბასა და დიუბუა დე მონპერეს ეთნოლოგიური ცნობების მიხედვით; 1977 წლიდან სწავლობს და იკვლევს იმჟამად შეუსწავლელ საკითხს "აღზრდის ქართულ-ხალხურ სისტემას ძველად და ახალ დროში" ფოლკლორსა და ეთნოლოგიაში; მონაწილეობს ადგილობრივ და საერთაშორისო სამეცნიერო კონფერენციებში. პროფესორ მიხეილ გაფრინდაშვილის მეუღლე. ისტორიის დოქტორი, პროფესორი.

საკანდიდატო დისერტაციის თემა - "ბავშვის აღზრდის ქართული ხალხური ტრადიციები", დაიცვა 1987 წელს.

წყარო: მირიან ხოსიტაშვილის მიერ მოწოდებული ბიოგრაფიული მონაცემები.

• ფაზისის მეცნიერებისა და კულტურის აკადემია, აკადემიკოსი (1996-)

• ბავშვის აღზრდის ხალხური სისტემა (ქართულ ეთნოლოგიასა და ფოლკლორში = Народная система воспитания детей (в грузинском фольклоре и этнологии (ავტორი). - თბილისი, საჩინო, 2020. - 364გვ.. - ISBN: 9789941971235
• ქართული საბავშვო ფოლკლორის მითოსური და ქრისტიანული მსოფლმხედველობა (ავტორი) // ტ.1. - თბილისი, მეცნიერება, 2006. - 76გვ.. - ISBN: 99940-0-475-1
• უძველესი რწმენა-წარმოდგენები ქართულ საბავშვო ფოლკლორში (ავტორი). - თბილისი, მეცნიერება, 2006. - 115გვ.. - ISBN: 99940-0-476-X
• საოჯახო ყოფითი ტრადიციები ქართულ ფოლკლორში (ავტორი). - თბილისი, მეცნიერება, 2006. - 74გვ.. - ISBN: 99940-0-477-8
• ხალხური ყოფა და აღზრდის წეს-ჩვეულებანი გურიაში (ავტორი). - თბილისი, მეცნიერება, 1997. - 88გვ.
• სოფელი რატევანი : ისტორ.-ეთნოგრ. ნარკვევი (ავტორი). - თბილისი, მეცნიერება, 1996. - 144გვ.
• ბავშვის აღზრდის ქართული ხალხური ტრადიციები (ავტორი). - თბილისი, მეცნიერება, 1994. - 132გვ.. - ISBN: 5-520-01562-7