მანუჩარ ცაცუა

დაბადების ადგილი: ქ. ზუგდიდი.

დაამთავრა პროფესიულ-ტექნიკური სასწავლებელი 1999 წელს; თბილისის ტექნიკური უნივერსიტეტის იურიდიული ფაკულტეტი 2004 წელს; თბილისის პოლიტიკური სწავლების სკოლა 2011 წელს; 2004 წელს ჩააბარა პროკურატურის მუშაკთა საკვალიფიკაციო გამოცდა; 2007 წელს ჩააბარა ადვოკატთა საკვალიფიკაციო გამოცდა სამოქალაქო და ადმინისტრაციული სამართლის სპეციალიზაციით; 2008 წელს - მოსამართლის საკვალიფიკაციო გამოცდა სამოქალაქო და ადმინისტრაციული სამართლის სპეციალიზაციით; 2011 წელს ევროსაბჭოსა და პოლიტიკური სწავლების სკოლის პროგრამის ფარგლებში გაიარა სემინარები ქ. სტრასბურგში თემაზე "ეთიკა და პოლიტიკა"; 2011-2012წწ. იყო საქართველოს იუსტიციის უმაღლესი სკოლის მსმენელი.

2003-2004წწ. გაიარა პრაქტიკა ვაკე-საბურთალოს რაიონულ პროკურატურაში; 2006 წელს - თბილისის საქალაქო სასამართლოში კურიერი; 2007-2009წწ. - მცხეთის რაიონულ სასამართლოში სხდომის მდივანი; 2009-2011წწ. - თბილისის საქალაქო სასამართლოში სხდომის მდივანი; 2011 წელს - თბილისის საქალაქო სასამართლოში მოსამართლის თანაშემწე; 2012-2013წწ. ეწეოდა საადვოკატო საქმიანობას; 2014-2017წწ. - ზუგდიდის რაიონული სასამართლოს მაგისტრატი მოსამართლე წალენჯიხის მუნიციპალიტეტში; 2017-2018წწ. - მივლინების საფუძველზე უფლებამოსილებას ახორციელებდა გალი-გულრიფშისა და ოჩამჩირე-ტყვარჩელის რაიონულ სასამართლოში; 2019 წლის ივლისიდან დეკემბრამდე - მცხეთის რაიონული სასამართლოს ადმინისტრაციულ საქმეთა კოლეგიის მოსამართლე; 2019 წლის დეკემბრიდან - თბილისის საქალაქო სასამართლოს ადმინისტრაციულ საქმეთა კოლეგიის მოსამართლე.

წყარო: საქართველოს იუსტიციის უმაღლესი საბჭო: hcoj.gov.ge