ნიკოლოზ მალუძე

დაბადების ადგილი: სოფელი წინანდალი, თელავის მუნიციპალიტეტი.

დაამთავრა თბილისის სახელმწიფო უნივერსიტეტის ეკონომიკის ფაკულტეტი 1952 წელს.

1952–1958წწ. მუშაობდა პარტიულ თანამდებობებზე; 1958–1988წწ. იყო თელავის სახელმწიფო პედაგოგიური ინსტიტუტის პოლიტეკონომიის კათედრის დოცენტი, პროფესორი, გამგე, რექტორი; ავტორია სამეცნიერო ნაშრომებისა, მათ შორის მონოგრაფიების, რომლებიც ეხება საქართველოს მევენახეობისა და მეღვინეობის განვითარების საკითხებს. დიდი წვლილი მიუძღვის თელავის რაიონის სოციალური და ეკონომიკური განვითარების საქმეში. ეკონომიკის მეცნიერებათა დოქტორი (1969), პროფესორი (1969).

წყარო: საქართველოს მეცნიერებათა ეროვნული აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ.483

• 1983 - საქართველოს მეცნიერებათა დამსახურებული მოღვაწე

• Основные вопросы развития виноградарства и виноделия в Грузинской ССР (ავტორი). - Тбилиси, Мецниереба, 1970. - 134с.
• საქართველოს სსრ [და სსრკ სხვა რესპუბლიკების] მევენახეობისა და პირველადი მეღვინეობის თანამედროვე მდგომარეობა და განვითარების პერსპექტივები (ავტორი). - თბილისი, მეცნიერება, 1967. - 459გვ.
• საქართველოს სსრ თელავის რაიონის კოლმეურნეობათა მევენახეობის ეკონომიკის საკითხები (ავტორი). - თბილისი, 1959. - 93გვ.