იური მამალაძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ფიზიკის ფაკულტეტი 1952 წელს.

1952–1958წწ. მუშაობდა თბილისის სახელმწიფო უნივერსიტეტის ექსპერიმენტული ფიზიკის კათედრაზე; 1958–1966წწ., 1969–2009წწ. საქართველოს მეცნიერებათა აკადემიის ფიზიკისა და 1966–1969წწ. ლ. ლანდაუს სახელობის თეორიული ფიზიკის (ჩერნოგოლოვკა, მოსკოვის ოლქი) ინსტიტუტებში. მისი სამეცნიერო კვლევები ძირითადად ეხება კონდენსირებულ გარემოთა ფიზიკას. მან მნიშვნელოვანი წვლილი შეიტანა საქართველოში დაბალი ტემპერატურის ფიზიკის კვლევების განვითარებაში. არის მრავალი სამეცნიერო ნაშრომის, მათ შორის 5 მონოგრაფიის თანაავტორი. ეწეოდა ნაყოფიერ პედაგოგიურ მოღვაწეობას. ფიზიკა-მათემატიკის მეცნიერებათა დოქტორი (1984). 

წყარო: საქართველოს მეცნიერებათა ეროვნული აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ.485

• Физика сверхтекучего гелия : В 2-х кн. Книга 2, Квантованные вихри и вращение сверхтекучей жидкости (თანაავტორი). - Тбилиси, Мецниереба, 1998. - 184с.
• Физика сверхтекучего гелия : В 2-х кн. Книга 1, Явление сверхтекучести и основные свойства гелия (თანაავტორი). - Тбилиси, Мецниереба, 1990. - 187с.