თენგიზ დიდებულიძე

დაბადების ადგილი: სოფელი ჩაილური, საგარეჯოს რაიონი.

დაამთავრა თბილისის მე-8 ვაჟთა სკოლა.

1950 წელს სწავლა გააგრძელა ბორჯომის სატყეო-სამეურნეო ტექნიკუმში; 1954 წელს მუშაობა დაიწყო სიღნაღის სატყეო მეურნეობის, წნორის სატყეოს უფროსი ტყისმცველის თანამდებობაზე; 1954 წელს გაიწვიეს სამხედრო სამსახურში; 1956 წელს სწავლა გააგრძელა სასოფლო-სამეურნეო ინსტიტუტში სატყეო-სამეურნეო ფაკულტეტზე; 1963 წელს მუშაობა დაიწყო საგარეჯოს სატყეო მეურნეობის მანავის სატყეოს უფროსის თანაშემწედ; 1965 წელს დანიშნეს მანავის სატყეოს უფროსად; 1971 წელს გადაიყვანეს სამუშაოდ მარნეულის სატყეო მეურნეობის დირექტორად; 1972 წელს გადაიყვანეს გურჯაანის რაიონის ლელის სატყეო სანერგის დირექტორად; 1974 წელს წითელწყაროს რაიონში, სატყეო მეურნეობის დირექტორად; 1977 წელს დანიშნეს საგარეჯოს სატყეო მეურნეობის მანავის სატყეოს უფროსად. იგი საგარეჯოს სატყეო მეურნეობაში შეუცვლელ მეტყევედ ითვლებოდა.

წყარო: ასი უბერებელი მეტყევე: ქართველ მეტყევეთა ბიოგრაფ. ცნობები/ანზორ ჩაფიძე.-თბ.,2009.-გვ.36

• 1986 - შრომის წითელი დროშის ორდენი
• 1986 - საქართველოს დამსახურებული მეტყევე (პირველი კლასის)