ოთარ მამამთავრიშვილი

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტი 1948 წელს.

1976–1979წწ. იყო საქართველოს ჯანდაცვის სამინისტროს მთავარი ქირურგი; 1980–1996წწ. თბილისის ექიმთა დახელოვნების ინსტიტუტის ქირურგიის I კათედრის გამგე. მან კლინიკურ პრაქტიკაში დანერგა ორიგინალური ოპერაციული მეთოდები კუჭ-ნაწლავის ტრაქტზე, ღვიძლსა და ელენთაზე. აღსანიშნავია ექსტრაპერიტონიზაციის მეთოდი, რომლითაც ხდება ინფექციის შესაძლო კერის იზოლაცია პერიტონეუმის ღრუდან, რაც პერიტონიტის პრევენციის ძირითადი პირობაა და სხვ. არის სამეცნიერო ნაშრომების, მ. შ. გამოგონებებისა და რაციონალიზატორული წინადადების ავტორი. მიღებული აქვს სახელმწიფო ჯილდოები. მედიცინის მეცნიერებათა დოქტორი (1969), პროფესორი (1973), ქირურგი.

წყარო: საქართველოს მეცნიერებათა ეროვნული აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ.487

• აკად. გ. მუხაძის სახელობის ქირურგიული საზოგადოება, თავმჯდომარე (1994-1996)
• ბელორუსის სამეცნიერო ქირურგიული საზოგადოება, საპატიო წევრი (1978-)
• საქართველოს სამედიცინო-ბიოლოგიური აკადემია, ნამდვილი წევრი (1994-)
• საქართველოს ქირურგიის სამეცნიერო საზოგადოება, გამგეობის წევრი (1976-1979)

• 1986 - საქართველოს მეცნიერებათა დამსახურებული მოღვაწე
• 1984 - საქართველოს სახელმწიფოს პრემია