კონსტანტინე მამაცაშვილი

დაბადების ადგილი: ქ. თბილისი.

დაამთავრა მოსკოვის პირველი სამხედრო გიმნაზია 1866 წელს და საარტილერიო სამხედრო სასწავლებელი 1868 წელს.

1872 წლიდან მსახურობდა მე-16 გრენადერთა მინგრელსკის პოლკში. 1877–1878წწ. რუსეთ-ოსმალეთის ომის მონაწილე. 1893–1895წწ. მეთაურობდა მე-20 საარტილერიო ბრიგადის I ბატარეას; 1901–1904წწ. მე-6 მორტირთა საარტილერიო პოლკს; 1905–1907წწ. მე-5 მორტირთა საარტილერიო დივიზიონს; 1907–1908წწ. აღმოსავლეთ ციმბირის მე-9 მსროლელ საარტილერიო ბრიგადას. რუსეთის იმპერიის არმიის გენერალ-მაიორი (1907). 

წყარო: საქართველოს მეცნიერებათა ეროვნული აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ.489