ქაიხოსრო მამაცაშვილი

დაბადების ადგილი: სოფელი რუისი, ახლანდელი ქარელის მუნიციპალიტეტი.

1857 წლიდან მსახურობდა ჯარში; 1877–1878წწ. იყო რუსეთ-ოსმალეთის ომის მონაწილე; 1878–1887წწ. მაიკოპის მაზრის სამხედრო უფროსი; 1887–1900წწ. კავკასიის გრენადერთა საარტილერიო და 34-ე საარტილერიო ბრიგადებში მე-2 მსროლელი საარტილერიო დივიზიონის მეთაური. მიღებული აქვს სახელმწიფო ჯილდოები. რუსეთის იმპერიის არმიის გენერალ-მაიორი (1900).

წყარო: საქართველოს მეცნიერებათა ეროვნული აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ.490