ემზარ ახსიაშვილი

დაბადების ადგილი: ქ. თბილისი.

სწავლობდა პოლიტექნიკურ ტექნიკუმში. 1987 წელს სავალდებულო სამხედრო სამსახური ავღანეთში მოიხადა. ავღანეთიდან საპატიო სიგელებითა და მედლებით დაბრუნდა. მუშაობდა შინაგან საქმეთა სამინისტროს სტრუქტურაში პოლიციელად, საბურთალოს რაიონის უბნის ინსპექტორად. შემდეგ მიავლინეს კრიმინალური პოლიციის განყოფილებაში, სპეციალურ ჯგუფში, ჯერ უმცროს ინსპექტორად, შემდეგ კი ინსპექტორის თანამდებობაზე. პარალელურად მონაწილეობდა სამაჩაბლოს კონფლიქტში. შემდეგ აფხაზეთის კონფლიქტი დაიწყო და იქაც წავიდა. 1993 წლის 25 სექტემბერს საომარი მოქმედებების დროს ემზარ ახსიაშვილი ნაღმტყორცნის ჭურვის აფეთქების შედეგად მძიმედ დაიჭრა და რამდენიმე საათში გარდაიცვალა. საქართველოს ტერიტორიული მთლიანობისათვის მებრძოლი აფხაზეთის ომში. პოლიციის ლეიტენანტი.

წყარო: უკვდავება : საქართველოს ტერიტორიული მთლიანობისათვის შიდა ქართლსა და აფხაზეთში დაღუპულ მეომართა ბიოგრაფიები. ნაწილი 2 / საქართველოს ჟურნალისტთა ფედერაცია, საქართველოს თავდაცვის სამინისტრო.-თბ.,2004.-გვ.62-63

• მედალი "მებრძოლი ინტერნაციონალისტი"
  ავღანეთში საბრძოლო მოქმედებებში მიღებული მონაწილეობისთის