გიორგი მამუჩიშვილი

დაბადების ადგილი: სოფელი ხაშმი, ახლანდელი საგარეჯოს მუნიციპალიტეტი.

დაამთავრა რუსთაველის თეატრთან არსებული სტუდია 1936 წელს.

1936–1940წწ. იყო რუსთაველის, 1940 წლიდან – თელავის თეატრის მსახიობი. შეასრულა გურიელის (შ. დადიანის "ნაპერწკლიდან"), სიმონის (ი. მოსაშვილის "მისი ვარსკვლავი"), მეწისქვილის (პ. კაკაბაძის "ყვარყვარე თუთაბერი"), მეფის (გ. ქელბაქიანის "თქმულება სიყვარულზე"), იანვარას (ვაჟა-ფშაველას "მოკვეთილი"), დათოს (ა. სუმბათაშვილის "ღალატი"), ბერიკას (გ. ერისთავის "ყვარყვარე ათაბაგი"), ურაზმაგის (ს. კლდიაშვილის "ირმის ხევი"), ჯანდიერის (ა. წერეთლის "ბაში-აჩუკი") და სხვა როლები. გადაღებულია ფილმებში: "გოლა, შემთხვევა ზურგში" (რეჟ. გ. მატარაძე, 1980), "ათოვდა ზამთრის ბაღებს" (იორამი, რეჟ. გ. ლევაშოვ-თუმანიშვილი, 1984). თეატრისა და კინოს მსახიობი. 

წყარო: საქართველოს მეცნიერებათა ეროვნული აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ.503

• 1989 - საქართველოს სახალხო არტისტი