მერაბ დვალი

დაბადების ადგილი: ქ. თბილისი.

დაამთავრა საქართველოს სასოფლო-სამეურნეო ინსტიტუტის სატყეო-სამეურნეო ფაკულტეტი 1972 წელს; სოფლის მეურნეობის ეკონომიკა-ორგანიზაციის ფაკულტეტი 1986 წელს.

მუშაობდა ამიერკავკასიის ტყეთმოწყობის საწარმოში ინჟინერ-ტაქსატორად; 1979-1986წწ. საქართველოს სატყეო მეურნეობის სამინისტროს ტყეთმოწყობისა და ტყითსარგებლობის სამმართველოში წამყვანი ინჟინრის თანამდებობაზე; 1986 წლიდან გადაყვანილ იქნა იმავე სამმართველოში ტყეთმოწყობის განყოფილების უფროსად; 1987-1991წწ. იყო ბოლნისის სატყეო მეურნეობის დირექტორი; საქართველოს ეკოლოგიისა და ბუნებათსარგებლობის სამინისტროს ტყის დაცვისა და ტყის რესურსების რაციონალურად გამოყენების სპეციალიზირებული ინსპექციის უფროსი; 1992 წლიდან მუშაობდა საქართველოს რესპუბლიკის სატყეო მეურნეობის დეპარტამენტის, სატყეო მეურნეობის კომიტეტის და საქართველოს სატყეო მეურნეობის სახელმწიფო დეპარტამენტის თავმჯდომარის მოადგილედ; 2002-2004წწ. ამავე დეპარტამენტის თავმჯდომარის თანამდებობაზე; 1964-1965წწ. თამაშობდა ფეხბურთს 35-ე საფეხბურთო სკოლაში; 1965 წლიდან თბილისის ლოკომოტივის ახალგაზრდულ გუნდში და დუბლ-შემადგენლობაში. მისი მონაწილეობითა და რედაქტორობით შემუშავდა "ტყის კოდექსი" და ბევრი დებულება და ნორმატიული აქტი.

წყარო: ასი უბერებელი მეტყევე: ქართველ მეტყევეთა ბიოგრაფ. ცნობები/ანზორ ჩაფიძე.-თბ.,2009.-გვ.38 

• საქართველოს ახალგაზრდული ნაკრები, წევრი (1966-)

• საქართველოს დამსახურებული მეტყევე