იან მინკევიჩი

დაბადების ადგილი: ქ. ნეველი, ვიტებსკის ოლქი (რუსეთი).

დაიბადა პოლონელი ვაჭრის ოჯახში. 1843–1848 წლებში სწავლობდა მოსკოვის უნივერსიტეტის სამედიცინო ფაკულტეტზე, 1850 წელს იქვე დაიცვა სადოქტორო დისერტაცია. 1851–1853 წლებში იყო ნიკოლაი პიროგოვის თანაშემწე პეტერბურგის ჰოსპიტალში. ყირიმის ომის დროს, 1853-1856 წლებში იყო სევასტოპოლის ერთ-ერთი დროებითი სამხედრო ჰოსპიტლის მთავარი ექიმი. 1856 წლიდან მსახურობდა კავკასიის არმიის მთავარ ქირურგად. 1884 წელს სახელმწიფო სამსახურიდან გათავისუფლების შემდეგ სამუდამოდ დასახლდა თბილისში, სადაც ეწეოდა პრაქტიკულ და სამეცნიერო საქმიანობას. იყო კავკასიის სამედიცინო საზოგადოების ერთ-ერთი დამფუძნებელი და მისი შვიდგზის პრეზიდენტი; თბილისის პეტრე-პავლეს სახელობის ეკლესიაში კათოლიკური საქველმოქმედო საზოგადოების "Dobroszynność" ერთ-ერთი დამფუძნებელი. გამოქვეყნებული ჰქონდა ნაშრომები მედიცინის აქტუალური საკითხების, კავკასიის ხალხური მედიცინის, ისტორიისა და ეთნოგრაფიის შესახებ. პოლონური წარმოშობის რუსი ქირურგი, გარდაიცვალა თბილისში.

წყარო: საქართველოს ძეგლები: dzeglebi.ge; Памяти Ивана Ивановича Минкевича, доктора медицины. 1826-1897 г. : Некролог. - Тифлис, 1898. - Список тр. И.И. Минкевича (с. 6-9)

• Обрезание у древних колхов и других различных народов : Сравнительное изследование (ავტორი). - Тифлис, 1896. - 28с.
• Растения, как медицинские средства и как предмет обожания на Кавказе : Сравнительное изслед. (ავტორი) // Отд. отт. из Протокола Имп. Кавк. мед. О-ва N13, 1894 г.. - Тифлис, 1894. - 24с.
• Камни, как медицинское средство и как предмет обожания на Кавказе (ავტორი) // Отт. из "Протокола заседаний Императорского Кавказского медицинского общества". 1893 г. N 13.. - Тифлис, 1893. - 17с.
• Музыка как медицинское средство на Кавказе : Сравнительное исследование (ავტორი) // Отт. из "Протокола заседаний Императорского Кавказского медицинского общества". 1892 г. N 14. . - Тифлис, 1892. - 10с.
• Сравнительное исследование народных средств и обычаев медицинских на Кавказе : Отношение хевсур к их роженицам (ავტორი). - Тифлис, 1890. - 22с.