ლევან გელოვანი

დაბადების ადგილი: ქ. თბილისი.

დაამთავრა პროფესორ ჯამბაკურ ბაქრაძის სახელობის თბილისის სამართლისა და ეკონომიკის ინსტიტუტი 1995 წელს; 1999 წელს გაიარა სპეციალური მომზადება შინაგან საქმეთა სამინისტროს პოლიციის აკადემიის რიგით და უმცროსს მეთაურთა სასწავლებელში. მინიჭებული აქვს პოლიციის ოფიცრის საშუალო სპეციალური წოდება - უმცროსი ლეიტენანტი; 2000 წელს ჩააბარა მოსამართლის თანაშემწის საკვალიფიკაციო გამოცდა; 2003 წელს - ადვოკატთა საკვალიფიკაციო გამოცდა სისხლის სამართლის სპეციალიზაციით; 2004 წელს - პროკურატურის მუშაკთა საკვალიფიკაციო გამოცდა; 2005 წელს - მოსამართლეობის საკვალიფიკაციო გამოცდა სისხლის სამართლის სპეციალიზაციით. 2007-2009წწ. იყო იუსტიციის უმაღლესი სკოლის მსმენელი.

1995-1997წწ. - მსახურობდა საქართველოს შეიარაღებულ ძალებში, შინაგან საქმეთა სამინისტროს შინაგანი ჯარების საპატრულო პოლკში; 1998-1999წწ. მუშაობდა შინაგან საქმეთა ორგანოებში - არასრულწლოვანთა საქმეების ინსპექტორისა და ექსპერტ-კრიმინალისტის თანამდებობებზე; 2000-2005წწ. - სულხან-საბა ორბელიანის სახელობის სახელმწიფო პედაგოგიური უნივერსიტეტის სახელმწიფოსა და სამართლის საფუძვლების ლექტორი; გრიგოლ რობაქიძის სახელობის უნივერსიტეტის კოლეჯში და საერო ინსტიტუტ "ორიენტირში" ლექტორი; 2006 წელს - საქართველოს უზენაესი სასამართლოს სისხლის სამართლის საქმეთა პალატის სამდივნოს კონსულტანტი; 2007 წელს - საქართველოს იუსტიციის უმაღლესი საბჭოს სამოსამართლო ეთიკისა და დისციპლინური სამართალწარმოების დეპარტამენტის სისხლის სამართლის საქმეებზე დისციპლინური სამართალწარმოების სამმართველოს კონსულტანტი; 2009-2017წწ. -  საქართველოს იუსტიციის უმაღლესი საბჭოს სამოსამართლო ეთიკისა და დისციპლინური სამართალწარმოების დეპარტამენტის კონსულტანტი, საზოგადოებასთან ურთიერთობისა და ხარისხის მართვის დეპარტამენტის უფროსი კონსულტანტი და მოსამართლის საქმიანობის შეფასების მართვის დეპარტამენტის უფროსი კონსულტანტი; 2013-2015წწ. - საქართველოს სასჯელაღსრულების, პრობაციისა და იურიდიული დახმარების საკითხთა სამინისტროს მმართველობის სფეროში მოქმედი საჯარო სამართლის იურიდიული პირის - არასაპატიმრო სასჯელთა აღსრულებისა და პრობაციის ეროვნული სააგენტოს პირობითი მსჯავრის გაუქმების საკითხთა განმხილველი მუდმივმოქმედი კომისიის წევრი; 2014-2015წწ. - საქართველოს სასჯელაღსრულებისა და პრობაციის სამინისტროს აღმოსავლეთ საქართველოს პირველი ადგილობრივი საბჭოს წევრი, 2015-2017წწ. - მეორე ადგილობრივი საბჭოს წევრი; 2017-2019წწ. - ბათუმის საქალაქო სასამართლოს სისხლის სამართლის საქმეთა კოლეგიის მოსამართლე; 2019 წლის ივლისიდან 2021 წლის სექტემბრამდე - თბილისის საქალაქო სასამართლოს სისხლის სამართლის საქმეთა საგამოძიებო, წინასასამართლო სხდომისა და არსებითი განხილვის კოლეგიის მოსამართლე; 2020 წლის მაისიდან თანამდებობაზე გამწესებულია უვადოდ, კანონით დადგენილი ასაკის მიღწევამდე. 2021 წლის სექტემბრიდან - თბილისის საქალაქო სასამართლოს საგამოძიებო და წინასასამართლო სხდომის კოლეგიის მოსამართლე.

წყარო: საქართველოს იუსტიციის უმაღლესი საბჭო: hcoj.gov.ge