ვილენ მარდალეიშვილი

დაბადების ადგილი: სოფელი მაღლაკი, ახლანდელი წყალტუბოს მუნიციპალიტეტი.

დაამთავრა თბილისის სახელმწიფო უნივერსიტეტის ფილოლოგიის ფაკულტეტი.

1966 წლიდან მოღვაწეობდა ჟურნალისტიკაში ("ეკრანის ამბები", "საქართველოს კინემატოგრაფისტი", "კომუნისტი", "კაბადონი-8", "საქართველოს რესპუბლიკა"; აგრეთვე, საქტელერადიო კომიტეტში, კინოინფორმაციისა და რეკლამირების ბიუროში, საქართველოს თეატრალური საზოგადოების გამომცემლობაში). ავტორია ჟურნალისტური კრებულებისა:  "დიალოგები კინოზე" (1976), "ძვირფასი წუთები" (1981), "რედაქციიდან გაწუხებთ" (1988). საქართველოს ჟურნალისტთა კავშირმა 1986 წელს "წლის საუკეთესო ჟურნალისტად" დაასახელა.

წყარო: საქართველოს მეცნიერებათა ეროვნული აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge;  საქართველო: ენციკლოპედია: ტ.5. -თბ.,2023. -გვ.531

• 2014 - საქართველოს დამსახურებული ჟურნალისტი
• 2005 - ოქროს ფრთა (ჟურნალისტთა საერთაშორისო ფონდის ჯილდო)
• 2003 - ნიკო ნიკოლაძის სახელობის პრემია
• 1993 - ღირსების ორდენი
• 1989 - სახელმწიფო პრემია