ხვიჩა ბიძინაშვილი

დაბადების ადგილი: სოფელი ტიბაანი, სიღნაღის რაიონი.

1991 წლიდან ირიცხებოდა ეროვნული გვარდიის რიგებში. მსახურობდა ტყიბულის მე-17 ბატალიონში, შემდეგ შინაგან ჯარებში, იყო შინაგანი ჯარების საპატრულო ლეგიონის პირველი ასეულის მებრძოლი, რიგითი. ცხინვალიდან დაწყებული იბრძოდა ყველგან, გმირულად დაიღუპა 1993 წლის 2 ივლისს  სოფელ კინდღთან დესანტთან უთანასწორო ბრძოლების დროს. მხოლოდ 48 დღის შემდეგ მოხერხდა ქართველი მეომრების ცხედრების გამოტანა, მათ შორის ხვიჩა ბიძინაშვილისაც. საქართველოს ტერიტორიული მთლიანობისათვის მებრძოლი აფხაზეთის ომში.

წყარო: უკვდავება : საქართველოს ტერიტორიული მთლიანობისათვის შიდა ქართლსა და აფხაზეთში დაღუპულ მეომართა ბიოგრაფიები. ნაწილი 2 / საქართველოს ჟურნალისტთა ფედერაცია, საქართველოს თავდაცვის სამინისტრო.-თბ.,2004.-გვ.91-93