ივანე მარკაროვი

დაბადების ადგილი: ქ. ჩარდახლუ, მთიანი ყარაბაღი, ელიზავეტპოლის გუბერნია.

დაამთავრა თბილისის სათავადაზნაურო გიმნაზია და სამედიცინო-ქირურგიული საიმპერატორო აკადემია.

1871 წლიდან მუშაობდა თბილისის სამხედრო ჰოსპიტალში; 1873 წელს დაინიშნა თბილისის სამხედრო გიმნაზიის უფროს ექიმად, იმავდროულად მსახურობდა კავკასიის სამხედრო ოლქის შტაბში (თბილისი); თბილისის სამხედრო ჰოსპიტლის კოჯრის განყოფილების უფროსი, 1877–1878წწ. იქვე ჰქონდა ბავშვთა საავადმყოფო; კავკასიის I საკავალერიო, კაზაკთა I, მე-18 ქვეითი დივიზიებისა და მე-14 საარმიო კორპუსის ექიმი (1891–1903), სახელმწიფო მრჩეველი (1897), კავკასიის საარმიო კორპუსის მთავარი ექიმი (1904). მიღებული აქვს სახელმწიფო ჯილდოები. რუსეთის იმპერიის არმიის სამედიცინო სამსახურის გენერალ-ლეიტენანტი (1904), გენერალ-ადიუტანტი.

წყარო: საქართველოს მეცნიერებათა ეროვნული აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge;  საქართველო: ენციკლოპედია: ტ.5. -თბ.,2023. -გვ.543

• თბილისის კავკასიის საიმპერატორო სამედიცინო საზოგადოება, ნამდვილი წევრი (1874-)

• 1890 - წმინდა ვლადიმირის IV ხარისხის ორდენი
• 1884 - წმინდა ანას III ხარისხის ორდენი
• 1874 - წმინდა სტანისლავის III ხარისხის ორდენი
• წმინდა სტანისლავის II ხარისხის ორდენი