ვასილ მარკოზაშვილი

დაბადბეის ადგილი: ქ. თბილისი.

დაამთავრა ნიკოლოზის გენერალური შტაბის აკადემია 1867 წელს. 

1854 წელს სამხედრო სამსახური დაიწყო იუნკრად ნიჟეგოროდის დრაგუნთა პოლკში; 1856 წლიდან იყო კავკასიის ჯარში; 1853–1856წწ. მონაწილეობდა ყირიმისა და 1877–1878წწ. რუსეთ-ოსმალეთის ომებში; 1859 წელს მეთაურობდა სევერსკის დრაგუნთა პოლკის ესკადრონს აულ ღუნიბის შტურმის დროს; 1868 წელს დაინიშნა კავკასიის სამხედრო ოლქში 39-ე ქვეითი დივიზიის შტაბის უფროს ადიუტანტად; 1870 წლიდან იყო კავკასიის სამხედრო ოლქის შტაბის უფროსი ადიუტანტი; 1875–1878წწ. სტარი ოსკოლის 128-ე ქვეითი პოლკის მეთაური, გენერალური-მაიორი; 1871–1873წწ. მონაწილეობდა შუა აზიის კამპანიაში; 1881 წელს დაინიშნა მე-12 საარმიო კორპუსის შტაბის უფროსად, 1891 წელს მე-6 ქვეითი დივიზიის მე-2 ბრიგადის; 1892 წელს მე-2 ქვეითი დივიზიის მეთაურად. მიღებული აქვს სახელმწიფო ჯილდოები. რუსეთის იმპერიის არმიის ინფანტერიის გენერალი (1897), 1893 წლიდან გენერალ-ლეიტენანტი; სამხედრო მწერალი. 

წყარო: საქართველოს მეცნიერებათა ეროვნული აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; შექმენი საკუთარი ისტორია: mematiane.ge;  საქართველო: ენციკლოპედია: ტ.5. -თბ.,2023. -გვ.544

• 1895 - თეთრი არწივის ორდენი
• 1887 - წმინდა ვლადიმირის II ხარისხის ორდენი
• 1884 - წმინდა ანას I ხარისხის ორდენი
• 1880 - წმინდა სტანისლავის I ხარისხის ორდენი
• 1873 - წმინდა ვლადიმირის III ხარისხის ორდენი (ხმლებით)
• 1869 - წმინდა ანას III ხარისხის ორდენი
• 1857 - წმინდა ანას IV ხარისხის ორდენი