გიორგი დანიბეგაშვილი

დაბადების ადგილი: ქ. თბილისი.

დაამთავრა თბილისის სახელმწიფო სამხატვრო აკადემია 2012 წელს.

სამხატვრო აკადემიის დამთავრების შემდგომ მონაწილეობს ადგილობრივ და საერთაშორისო გამოფენებში. 2017 წელს მისი ნამუშევარი პრესტიჟული ფრანსუა შნაიდერის ფონდის მიერ კონკურსის "თანამედროვე ტალანტები" ფინალისტთა შორის შეირჩა. 2021 წელს გ. დანიბეგაშვილი ევროპის გამოყენებითი ხელოვნების პრიზის ფინალისტთა სიაში მოხვდა. 2023 წელს, აშშ-ში, მისი ნამუშევარი "შიშველი" Loewe Foundation Craft Prize - ის მეექვსე გამოცემაში ფინალისტთა შორის დასახელდა. 2024 წელს გ. დანიბეგაშვილი მიქელანჯელოს ფონდმა Homo Faber-ის საერთაშორისო გამოფენაზე მიიწვია. ჰქონდა პერსონალური გამოფენა თბილისის ისტორიის მუზეუმში (თბილისი), ჯგუფური გამოფენები თბილისში, აბრეშუმის სახელმწიფო მუზეუმში, ხელოვნების საერთაშორისო გამოფენაზე Handwerksmesse München (მიუნხენი), ისამუ ნოგუჩის მუზეუმი (აშშ), Fondazione Giorgio Cini (ვენეცია). მულტიდისციპლინარული ხელოვანი, ცხოვრობს და მოღვაწეობს თბილისში.

წყარო: გიორგი დანიბეგაშვილის მიერ მოწოდებული ბიოგრაფიული მონაცემები.