გიორგი კუხიანიძე

დაბადების ადგილი: ქ. თბილისი.

დაამთავრა სასოფლო-სამეურნეო ინსტიტუტის სატყეო-სამეურნეო ფაკულტეტი 1954 წელს.

1954 წელს მუშაობას იწყებს საქართველოს ცენტრალურ ბოტანიკურ ბაღში; 1958 წელს შედის საქართველოს მეცნიერებათა აკადემიის ტყის ინსტიტუტის ასპირანტურაში და მუშაობას იწყებს ინსტიტუტში უმცროს მეცნიერ მუშაკად; 1964 წელს იცავს დისერტაციას ბიოლოგიურ მეცნიერებათა კანიდატის ხარისხის მოსაპოვებლად; იყო ტყის არამერქნიანი რესურსების ლაბორატორიის გამგე; აქტიურ მონაწილეობას იღებდა საქართველოში მეფუტკრეობის განვითარებაში. გამოქვეყნებული აქვს 53 სამეცნიერო შრომა, მათ შორის (ავტორთა ჯგუფთან) სამჯერ გამოცემული სახელმძღვანელოები: "მეფუტკრეობა", "მეფუტკრის ცნობარი", მონოგრაფიები: "თაფლის უხვი მოსავლის მიღების გზები", "ქართული რუხი ფუტკარი", "ფუტკარი", "ჰერბიციდებისა და არბორიციდების გამოყენება საქართველოს სატყეო მეურნეობაში". არის მრავალი წერილის ავტორი ჟურნალ-გაზეთებში.

წყარო: ასი უბერებელი მეტყევე: ქართველ მეტყევეთა ბიოგრაფ. ცნობები/ანზორ ჩაფიძე.-თბ.,2009.-გვ.56