მალაქია მარღანია

დაბადების ადგილი: სოფელი გუდავა, ახლანდელი გალის მუნიციპალიტეტი.

1879 წლიდან მსახურობდა თურქმენეთის ცხენოსან მილიციაში. მონაწილეობდა 1879, 1880, 1881 და 1884 კამპანიებში თურქესტანში; 1899–1908წწ. იყო თურქმენეთის ცხენოსანი ირეგულარული დივიზიონის; 1910 წლიდან დაღესტნის ცხენოსანთა პოლკის; 1913–1915წწ. კავკასიის მე-2 კაზაკთა დივიზიის მე-2 ბრიგადის; 1915–1917წწ. კავკასიის მე-3 კაზაკთა დივიზიის I ბრიგადის მეთაური. რუსეთის 1917 წლის რევოლუციის შემდეგ ცხოვრობდა მოსკოვში. 1937 წელს ემსხვერპლა საბჭოთა რეპრესიებს. მიღებული აქვს სახელმწიფო ჯილდოები. მიღებული აქვს წმინდა გიორგის ოქროს იარაღი (1916). რუსეთის იმპერიის არმიის გენერალ-მაიორი (1913).

წყარო: საქართველოს მეცნიერებათა ეროვნული აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; რუსეთის არმია პირველ მსოფლიო ომში: grwar.ru;  საქართველო: ენციკლოპედია: ტ.5. -თბ.,2023. -გვ.560

• 1916 - წმინდა სტანისლავის I ხარისხის ორდენი (ხმლებით)
• 1916 - წმინდა ვლადიმირის III ხარისხის ორდენი (ხმლებით)
• 1913 - წმინდა ვლადიმირის III ხარისხის ორდენი
• 1909 - წმინდა ვლადიმირის IV ხარისხის ორდენი