იოსებ მარშანია

დაბადების ადგილი: სოფელი გოგიეთი, ახლანდელი ოზურგეთის მუნიციპალიტეტი.

დაამთავრა საქართველოს სასოფლო-სამეურნეო ინსტიტუტის სუბტროპიკული ფაკულტეტი 1948 წელს.

1949–1954წწ. მუშაობდა ეშერის სასწავლო-საცდელი მეურნეობის აგრონომიის განყოფილების გამგედ; 1956–1958წწ. მოღვაწეობდა ქუთაისის სასოფლო-სამეურნეო ინსტიტუტის აგროქიმიისა და ზოგადი მიწათმოქმედების, 1958–1968წწ. ასევე სუბტროპიკული მეურნეობის ინსტიტუტის ამავე სახელწოდების კათედრებზე; 1973–1977წწ. იყო პრორექტორი სასწავლო დარგში; 1976–1990წწ. იყო აგროქიმიისა და ზოგადი მიწათმოქმედების კათედრის გამგე; 1977–1979წწ. მუშაობდა განათლების სამინისტროს მრჩევლად კუბაში; იკვლევდა ციტრუსოვანი კულტურების მოვლისა და ნიადაგის განოყიერების საკითხებს; არის სამეცნიერო ნაშრომების - 4 მონოგრაფიისა და სახელმძღვანელოს ავტორი. აგროქიმიკოსი, სოფლის მეურნეობის მეცნიერებათა დოქტორი, პროფესორი (1969). 

წყარო: საქართველოს მეცნიერებათა ეროვნული აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge;  საქართველო: ენციკლოპედია: ტ.5. -თბ.,2023. -გვ.561

• 1985 - საქართველოს მეცნიერებათა დამსახურებული მოღვაწე
• 1961 - აფხაზეთის ავტონომიური რესპუბლიკის დამსახურებული აგრონომი

• ციტრუსოვანთა სანერგისა და პლანტაციის განოყიერება (ავტორი). - სოხუმი, ალაშარა, 1967. - 61გვ.
• როგორ გამოვიყენოთ ორგანული და მინერალური სასუქები ციტრუსოვანთა სანერგეში (ავტორი). - სოხუმი, აფხაზეთის სახელგამი, 1961. - 55გვ.