იზა კელენჯერიძე

დაბადების ადგილი: ქ. ხონი.

დაამთავრა თბილისის სახელმწიფო უნივერსიტეტის იურიდიული ფაკულტეტი 2003 წელს; საქართველოს ახალგაზრდა იურისტთა ასოციაციის იურიდიული სწავლებისა და ინფორმაციის ცენტრის სისხლის სამართლის ერთწლიანი სკოლა 2004 წელს; 2004 წელს ჩააბარა პროკურატურის მუშაკთა საკვალიფიკაციო გამოცდა; 2004-2006წწ. სწავლობდა საქართველოს მეცნიერებათა აკადემიის თინათინ წერეთლის სახელობის სახელმწიფოსა და სამართლის ინსტიტუტის ასპირანტურაში; 2006 წლიდან იყო თბილისის სახელმწიფო უნივერსიტეტის იურიდიული ფაკულტეტის დოქტორანტი; 2010 წელს ჩააბარა ადვოკატურის საკვალიფიკაციო გამოცდა საერთო სპეციალიზაციით; 2011 წელს დაასრულა ლაიფციგის უნივერსიტეტის გერმანული ენის ინტენსიური კურსი; 2011-2012წწ. სწავლობდა ბერლინის ჰუმბოლდტის სახელობის უნივერსიტეტის დოქტორანტურაში; 2011-2012წწ. იყო გერმანიის აკადემიური გაცვლის სამსახურის (DAAD) სადოქტორო სტიპენდიანტი; 2015 წელს ჩააბარა მოსამართლის საკვალიფიკაციო გამოცდა; 2016-2017წწ. იყო საქართველოს იუსტიციის უმაღლესი სკოლის მსმენელი.

2002-2003წწ. - საქართველოს ახალგაზრდა იურისტთა ასოციაციის იურიდიული დახმარების ცენტრში კონსულტანტისა და ადვოკატის თანაშემწე; 2002-2003წწ. - საქართველოს იუსტიციის სამინისტროს სტაჟიორი; 2004-2005წწ. - საქართველოს ხარისხის მართვის უნივერსიტეტის იურიდიული ფაკულტეტის მიწვეული ლექტორი; 2005-2008წწ. - საქართველოს იუსტიციის სამინისტროს სააღსრულებო დეპარტამენტის აღმოსავლეთ საქართველოს სააღსრულებო წარმოების სამმართველოს მრჩეველი; 2008-2010წწ. - საქართველოს იუსტიციის სამინისტროს სსიპ აღსრულების ეროვნული ბიუროს მრჩეველი; 2010 წელს - საქართველოს იუსტიციის სამინისტროს სსიპ აღსრულების ეროვნული ბიუროს რეგიონული ზედამხედველობის სამსახურის მრჩეველი; 2010 წელს მიწვეული იყო თბილისის სახელმწიფო უნივერსიტეტში იურიდიული ფაკულტეტის ლექტორად; 2011 წელს - შპს "სიონი-მ"-ის იურისტი; 2013 წლიდან - საქართველოს უნივერსიტეტის სამართლის სკოლის მიწვეული ლექტორი; 2014 წელს - სტუდენტური გაცვლითი პროგრამის - თანამედროვე სისხლის სამართლისა და სამართლის თეორიის აქტუალური საკითხები - სამეცნიერო ხელმძღვანელი; 2016 წლიდან - გერმანულ-ქართული სისხლის სამართლის ჟურნალის სამუშაო ჯგუფის წევრი; 2016 წლიდან - სამეცნიერო გრანტის - ქართული სისხლის სამართლის პროცესის ინტერნაციონალიზაცია და ევროპეიზაცია, როგორც გამოწვევა და ამოცანა - მონაწილე. არის რამდენიმე სამეცნიერო სტატიისა და ორი სახელმძღვანელოს სამეცნიერო რედაქტორი. 2018 წლის იანვრიდან - თბილისის საქალაქო სასამართლოს საგამოძიებო, წინასასამართლო სხდომისა და არსებითი განხილვის კოლეგიის მოსამართლე.

წყარო: საქართველოს იუსტიციის უმაღლესი საბჭო: hcoj.gov.ge

• სქესობრივი დანაშაულები = Sexual offences (თანაავტორი). - თბილისი, იურისტების სამყარო, 2020. - 188გვ. . - ISBN: 9789941969850