გივი მატაბელი

დაბადების ადგილი: სოფელი ჯუგაანი, ახლანდელი სიღნაღის მუნიციპალიტეტი.

დაამთავრა თბილისის სახელმწიფო სამედიცინო ინსტიტუტი 1948 წელს.

ინსტიტუტის დამთავრების შემდეგ მუშაობა დაიწყო სიღნაღის მალარიის საწინააღმდეგო სადგურის უფროსად; 1949–1983წწ. იყო ს. ვირსალაძის სახელობის სამედიცინო პარაზიტოლოგიისა და ტროპიკული მედიცინის სამეცნიერო-კვლევითი ინსტიტუტის უმცროსი მეცნიერი თანამშრომელი, განყოფილების ხელმძღვანელი; 1983 წლიდან თბილისის სახელმწიფო სამედიცინო ინსტიტუტის ეპიდემიოლოგიის კათედრის პროფესორი, კათედრის გამგე; 1961 წელს ვიეტნამის დემოკრატიულ რესპუბლიკაში ხელმძღვანელობდა მალარიასთან ბრძოლის ღონისძიებებს; 1977–1980წწ. მუშაობდა ალჟირის სახალხო რესპუბლიკაში. არის სამეცნიერო ნაშრომების ავტორი, სადაც განხილულია პარაზიტული და ინფექციური დაავადებების ეპიდემიოლოგიის, დიაგნოსტიკის, მკურნალობისა და პროფილაქტიკის აქტუალური საკითხები. მედიცინის მეცნიერებათა დოქტორი, პროფესორი. 

წყარო: საქართველოს მეცნიერებათა ეროვნული აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge;  საქართველო: ენციკლოპედია: ტ.5. -თბ.,2023. -გვ.572-573