გიორგი მაღალაშვილი

დაბადების ადგილი: ქ. თბილისი.

დაამთავრა ჩრდილო კავკასიის სამთო-მეტალურგიული ინსტიტუტის სასარგებლო წიაღისეულის გეოლოგია, ძებნა-ძიების სპეციალობით 1954 წელს.

1967 წლმდე მუშაობდა ფერადი ლითონების გეოლოგიურ-საძიებო ჩრდილო კავკასიის ტრესტში, "საქნახშირმადნეულში"; საქართველოს გეოლოგიურ სამმართველოში იყო გეოლოგიური პარტიების გეოლოგი, უფროსი გეოლოგი; 1967–1972წწ. კავკასიის მინერალური ნედლეულის ინსტიტუტში – არამადნეული წიაღისეულის განყოფილების უფროსი მეცნიერი თანამშრომელი; 1972 წლიდან – მყარი წიაღისეულის გეოლოგიის განყოფილების გამგე. იყო რუსულ-ქართული ტექნიკური ტერმინოლოგიური ლექსიკონის მთავარი სარედაქციო კოლეგიის წევრი, მეცნიერებათა აკადემიის პრეზიდიუმთან არსებული ცეოლითების ასოციაციის თავმჯდომრის მოადგილე და საწარმოო ძალების შემსწავლელი კომისიის მთავარი მეცნიერი თანამშრომელი. არის სამეცნიერო ნაშრომების, მონოგრაფიების, გამოგონებისა და სახელმძღვანელოს ავტორი. გეოლოგია-მინერალოგიის მეცნიერებათა დოქტორი (1985), პროფესორი (2002).

წყარო: საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ. 583

• საქართველოს მეცნიერებათა ეროვნული აკადემია, აკადემიკოსი (1998-)

• 2002 - ღირსების ორდენი
• 1994 - კალისტრატე გაბუნიას სახელობის პრემია
• 1979 - საქართველოს დამსახურებული გეოლოგი

• სამთო-მეტალურგიული ენციკლოპედია (თანაავტორი) // ტომი 2 . - თბილისი, შპს "ფორმა", 2020. - 528გვ.. - ISBN: 9789941824647
• სამთო-მეტალურგიული ენციკლოპედია (თანაავტორი) // ტომი 1 . - თბილისი, შპს "ფორმა", 2020. - 640გვ.. - ISBN: 9789941824630
• საქართველოს სანახელავო ქვები : დამხმარე სახელმძღვანელო (თანაავტორი). - თბილისი, ტექნ. უნ-ტი, 2017. - 152გვ.. - ISBN: 9789941208218
• თბილისის ბუნებრივი რესურსები და მათი გამოყენების პერსპექტივები (თანაავტორი). - თბილისი, საქ. მეცნ. ეროვნ. აკად. სტ., 2012. - 384გვ.. - ISBN: 9789941051128