ქართლოს მანველიძე

დაბადების ადგილი: სოფელი ჯალაბაშვილი, ქედის რაიონი.

დაამთავრა ბორჯომის სატყეო ტექნიკუმი 1948 წელს; საქართველოს სასოფლო-სამეურნეო ინსტიტუტი მეტყევე-ინჟინრის სპეციალობით 1955 წელს; ასპირანტურა 1980 წელს.

1948-1950წწ. მუშაობდა ქედა-ცხმორისის სატყეო უბნის ტექნიკოსად; 1955-1964წწ. ქედის სატყეო მეურნეობის ინჟინრად; 1964-1966წწ. ქ. ბათუმის გამწვანების ტრესტში, ბათუმის მთის ტყე-პარკის მთავარი ინჟინრის თანამდებობაზე; 1966-1980წწ. მუშაობდა თბილისის სამთო-მეტყევეობის ინსტიტუტში, ჯერ უმცროსი, შემდეგ უფროსი მეცნიერის თანამდებობაზე; 1980-2004წწ. აჭარის ავტონომიური რესპუბლიკის სატყეო კომიტეტში, ტყის მეურნეობის სამმართველოს უფროსად; 1981 წლიდან იყო აჭარის აგროსატყეო მეურნეობების სამმართველოს უფროსი. გამოქვეყნებული აქვს 27 სამეცნიერო ნაშრომი, 45 საჟურნალგაზეთო სტატია; გარემოს დაცვის აქტუალურ საკითხებზე მრავალჯერ მონაწილეობდა სატელევიზიო გამოსვლებში.

წყარო: ასი უბერებელი მეტყევე: ქართველ მეტყევეთა ბიოგრაფ. ცნობები/ანზორ ჩაფიძე.-თბ.,2009.-გვ.68